Shyǵys Qazaqstan oblysynda Metallýrg kúnine arnalǵan merekelik is-sharalar bastaý aldy. Kóp jyldan beri qalyptasqan dástúrge sai merekelik sharalardyń alǵashqy legi ken óndirisimen tyǵyz bailanysqan, kendi Altaidyń júregi sanalatyn Altai qalasynda ótti, dep habarlaidy dalanews.kz.
Bul kún – metallýrgiia salasynyń ardagerleri men eńbekkerlerin, óndiristik áýletterdiń ókilderin, qala turǵyndary men qonaqtaryn bir arnaǵa toǵystyrǵan erekshe mereke.
Metallýrg kúni – tek kásibi meiram ǵana emes, eldiń óndiristik áleýetin nyǵaitýǵa ólsheýsiz úles qosyp júrgen eńbek adamdaryna kórsetiletin qurmettiń aiqyn kórinisi.
Kásibi merekege orai aýdan ákimi Renat Qurmambaev metallýrgterdi quttyqtap, taý-ken metallýrgiia kesheni Shyǵys Qazaqstan oblysy ekonomikasynyń negizgi tirekteriniń biri ekenin atap ótti.
Onyń aitýynsha, salanyń turaqty damýy óńirdiń áleýmettik-ekonomikalyq ósimine serpin berip keledi. Sonymen qatar ol sala ardagerleri men eńbekkerlerine adal eńbegi, kásibine degen jaýapkershiligi men joǵary biliktiligi úshin alǵysyn bildirip, zor rizashylyǵyn jetkizdi.
Izgi tilekterge Shyǵys Qazaqstan taý-ken baiytý kesheniniń direktory, baiytý óndirisi jónindegi atqarýshy direktor Igor Anisimov ta qosyldy. Ol kásiporyn ujymynyń kásibi sheberligine, jaýapkershiligine jáne óndiristi damytýdaǵy súbeli úlesine joǵary baǵa berip, barsha metallýrgterge zor densaýlyq, otbasy amandyǵy jáne jańa eńbek jetistikterin tiledi.
Saltanatty jiynnyń eń áserli sátteriniń biri – úzdik eńbekkerlerdi marapattaý rásimi boldy. Kóp jylǵy jemisti eńbegi, joǵary kásibi sheberligi jáne metallýrgiia salasynyń damýyna qosqan eleýli úlesi úshin kásiporyn qyzmetkerlerine medaldar, Qurmet gramotalary men Alǵys hattar tabystaldy.
Merekeniń sánin «Kaztsink» JShS uiymdastyrǵan kontserttik baǵdarlama keltirdi. Qazaqstandyq tanymal «Domino» jáne «Madagaskar» mýzykalyq toptary sahna tórinde óner kórsetip, kórermenderge kóterińki kóńil kúi men umytylmas áser syilady.
Búginde «Kaztsink» JShS Qazaqstannyń tústi metallýrgiia salasyndaǵy jetekshi kásiporyndardyń biri retinde óndiristegi joǵary nátijelerdi, zamanaýi tehnologiialardy engizýdi jáne áleýmettik jaýapkershilikti úilestire otyryp, óńirdiń damýyna eleýli úles qosyp keledi.
Metallýrgterdiń qajyrly eńbeginiń arqasynda Shyǵys Qazaqstan elimizdiń jetekshi indýstriialyq óńirleriniń biri mártebesin saqtap keledi. Sondyqtan Metallýrg kúni – óz ómirin eńbekpen órkendeýge arnaǵan jandardy ulyqtaityn, urpaqtar sabaqtastyǵyn dáripteitin erekshe mereke.
