2026 jylǵy 25 shildede Jetisý oblysynyń Alakól aýdanyndaǵy Aqshi aýylynda «Alakól tolqyny» festivali ótedi. Alakóldiń ásem jaǵalaýynda uiymdastyrylatyn aýqymdy mádeni-oiyn-saýyq sharasy turǵyndar men týristerge merekelik kóńil kúi syilamaq, dep habarlaidy dalanews.kz.
Festivaldiń basty maqsaty – Jetisý óńiriniń týristik áleýetin keńinen tanytý, Alakóldiń qaitalanbas tabiǵi sulýlyǵyn nasihattaý, ishki týrizmdi damytý jáne turǵyndar men qonaqtarǵa joǵary deńgeidegi demalys mádenietin usyný.
Kógildir kól jaǵasynda uiymdastyrylatyn merekelik shara mýzyka, óner, zamanaýi oiyn-saýyq baǵdarlamalary men kóterińki kóńil-kúidi biriktiretin erekshe formatta ótedi. Tabiǵattyń ásem kórinisi men merekelik atmosfera úilesim taýyp, qonaqtarǵa umytylmas áser syilaidy.
Festival qonaqtaryn mazmundy ári áserli baǵdarlama kútedi:
- Interaktivti oiyn-saýyq baǵdarlamasy – tanymal júrgizýshilerdiń qatysýymen fleshmobtar, qyzyqty oiyndar, túrli baiqaýlar jáne kórermendermen belsendi bailanys;
- Qazaqstan estradasy juldyzdarynyń qatysýymen ótetin galakontsert – tanymal ónerpazdardyń jarqyn qoiylymdary men erekshe mýzykalyq kesh;
- Hodýlister, tiri músinder jáne alyp rostovoi qýyrshaqtardyń shoý-baǵdarlamasy – kórermenderge erekshe kóńil-kúi syilaityn teatrlandyrylǵan qoiylymdar;
- DJ-setpen jalǵasatyn bi keshi – zamanaýi áýender men merekelik serpinge toly túngi baǵdarlama;
- Saltanatty merekelik otshashý – aspandy túrli túske bólep, festivaldiń áserli qorytyndysyna ainalatyn jarqyn sát.
«Alakól tolqyny» – tabiǵattyń tańǵajaiyp kórinisin, mádeniet pen zamanaýi demalysty biriktiretin biregei joba. Festival Alakól jaǵalaýynyń týristik múmkindikterin keńinen tanytyp, Jetisý óńiriniń mádeni jáne demalys baǵytyndaǵy áleýetin arttyrýǵa baǵyttalǵan.
Bul shara turǵyndar men qonaqtarǵa jańa áser, kóterińki kóńil-kúi jáne jazǵy demalystyń erekshe atmosferasyn syilaityn jarqyn týristik oqiǵa bolmaq.
