2026 جىلعى 25 شٸلدەدە جەتٸسۋ وبلىسىنىڭ الاكٶل اۋدانىنداعى اقشي اۋىلىندا «الاكٶل تولقىنى» فەستيۆالٸ ٶتەدٸ. الاكٶلدٸڭ ەسەم جاعالاۋىندا ۇيىمداستىرىلاتىن اۋقىمدى مەدەني-ويىن-ساۋىق شاراسى تۇرعىندار مەن تۋريستەرگە مەرەكەلٸك كٶڭٸل كٷي سىيلاماق, دەپ حابارلايدى dalanews.kz.
فەستيۆالدٸڭ باستى ماقساتى – جەتٸسۋ ٶڭٸرٸنٸڭ تۋريستٸك ەلەۋەتٸن كەڭٸنەن تانىتۋ, الاكٶلدٸڭ قايتالانباس تابيعي سۇلۋلىعىن ناسيحاتتاۋ, ٸشكٸ تۋريزمدٸ دامىتۋ جەنە تۇرعىندار مەن قوناقتارعا جوعارى دەڭگەيدەگٸ دەمالىس مەدەنيەتٸن ۇسىنۋ.
كٶگٸلدٸر كٶل جاعاسىندا ۇيىمداستىرىلاتىن مەرەكەلٸك شارا مۋزىكا, ٶنەر, زاماناۋي ويىن-ساۋىق باعدارلامالارى مەن كٶتەرٸڭكٸ كٶڭٸل-كٷيدٸ بٸرٸكتٸرەتٸن ەرەكشە فورماتتا ٶتەدٸ. تابيعاتتىڭ ەسەم كٶرٸنٸسٸ مەن مەرەكەلٸك اتموسفەرا ٷيلەسٸم تاۋىپ, قوناقتارعا ۇمىتىلماس ەسەر سىيلايدى.
فەستيۆال قوناقتارىن مازمۇندى ەرٸ ەسەرلٸ باعدارلاما كٷتەدٸ:
- ينتەراكتيۆتٸ ويىن-ساۋىق باعدارلاماسى – تانىمال جٷرگٸزۋشٸلەردٸڭ قاتىسۋىمەن فلەشموبتار, قىزىقتى ويىندار, تٷرلٸ بايقاۋلار جەنە كٶرەرمەندەرمەن بەلسەندٸ بايلانىس;
- قازاقستان ەستراداسى جۇلدىزدارىنىڭ قاتىسۋىمەن ٶتەتٸن گالاكونتسەرت – تانىمال ٶنەرپازداردىڭ جارقىن قويىلىمدارى مەن ەرەكشە مۋزىكالىق كەش;
- حودۋليستەر, تٸرٸ مٷسٸندەر جەنە الىپ روستوۆوي قۋىرشاقتاردىڭ شوۋ-باعدارلاماسى – كٶرەرمەندەرگە ەرەكشە كٶڭٸل-كٷي سىيلايتىن تەاترلاندىرىلعان قويىلىمدار;
- DJ-سەتپەن جالعاساتىن بي كەشٸ – زاماناۋي ەۋەندەر مەن مەرەكەلٸك سەرپٸنگە تولى تٷنگٸ باعدارلاما;
- سالتاناتتى مەرەكەلٸك وتشاشۋ – اسپاندى تٷرلٸ تٷسكە بٶلەپ, فەستيۆالدٸڭ ەسەرلٸ قورىتىندىسىنا اينالاتىن جارقىن سەت.
«الاكٶل تولقىنى» – تابيعاتتىڭ تاڭعاجايىپ كٶرٸنٸسٸن, مەدەنيەت پەن زاماناۋي دەمالىستى بٸرٸكتٸرەتٸن بٸرەگەي جوبا. فەستيۆال الاكٶل جاعالاۋىنىڭ تۋريستٸك مٷمكٸندٸكتەرٸن كەڭٸنەن تانىتىپ, جەتٸسۋ ٶڭٸرٸنٸڭ مەدەني جەنە دەمالىس باعىتىنداعى ەلەۋەتٸن ارتتىرۋعا باعىتتالعان.
بۇل شارا تۇرعىندار مەن قوناقتارعا جاڭا ەسەر, كٶتەرٸڭكٸ كٶڭٸل-كٷي جەنە جازعى دەمالىستىڭ ەرەكشە اتموسفەراسىن سىيلايتىن جارقىن تۋريستٸك وقيعا بولماق.
