2018 jyldyń aıaǵyna deıin aýdannyń komýnaldyq menshigindegi sý nysandaryn tolyǵymen qujattandyryp, 2019 jyldyń 1-toqsanynda respýblıkalyq menshikke ótkizý jumystary aıaqtalady dep josparlanýda.
Aýdanymyzda 529,9 gektar ıgerilmeı jatqan aýyl sharýashylyǵy maqsatyndaǵy jer ýchaskeleri anyqtaldy. Onyń bári derlik sýarmaly egistik sanalady. Qazirgi tańda atalǵan egistik jerlerdi memlekettik menshikke qaıtarý jóninde tıisti jumystar atqarylýda.
Sondaı-aq, bıyl aýdanda 3 gektar jerge jylyjaı salynyp, onyń jalpy kólemi 21,2 gektarǵa jetti. Kelesi jyly olardyń kólemin 25 gektarǵa jetkiziletin bolady.
Aýdanda bıylǵy jyly «Sybaǵa» baǵdarlamasy boıynsha 60 bas iri qara mal alyndy. Sol sıaqty «Altyn asyq» baǵdarlamasy boıynsha 600 bas usaq mal, «Qulan» baǵdarlamasy boıynsha 30 bas jylqy alyndy.
Bıylǵy jyly byltyrǵy jyldyń tıisti kezeńimen salystyrǵanda iri qara mal 2845 basqa (onyń ishinde: sıyr 3153 basqa), qoı-eshki 4459 basqa, jylqy 861 basqa, shoshqa 8 basqa, qustar 734 basqa artyp otyr.
Mal sharýashylyǵynń ónimderi byltyrǵy jyldyń tıisti kezeńimen salystyrǵanda birshama ósken. et 0,1 myń tonnaǵa, sút 0,4 myń tonnaǵa, jumyrtqa 0,4 mln danaǵa artqan.
Búgingi kúnge aýdanda 1507 iri qara maly bar 137 shaǵyn mal bordaqylaý alańdary jumys istep tursa, kelesi jyly onyń sanyn taǵy 158-ge arttyrý josparlanyp otyr. Sondaı-aq, bıylǵy jylǵy 23 sút qabyldaý beketterin 2019 jyly 25 - ke arttyrý josparlanýda.
Osy jumystardyń nátıjesinde aǵymdaǵy jyldyń 20 qarashasy kúni Túrkistan qalasynda ótkizilgen oblystyq aýyl sharýashylyǵy qyzmetkerleriniń kásibı merekesi «Agrofest-2018» merekelik is-sharasynda jyl qortyndysymen Jetisaı aýdany maqta óndirý boıynsha I – oryn, baqsha ónimderin eksporttaýdan I – oryndy ıelendi.
