2018 جىلدىڭ اياعىنا دەيىن اۋداننىڭ كوممۋنالدىق مەنشىگىندەگى سۋ نىساندارىن تولىعىمەن قۇجاتتاندىرىپ، 2019 جىلدىڭ 1-توقسانىندا رەسپۋبليكالىق مەنشىككە وتكىزۋ جۇمىستارى اياقتالادى دەپ جوسپارلانۋدا.
اۋدانىمىزدا 529،9 گەكتار يگەرىلمەي جاتقان اۋىل شارۋاشىلىعى ماقساتىنداعى جەر ۋچاسكەلەرى انىقتالدى. ونىڭ ءبارى دەرلىك سۋارمالى ەگىستىك سانالادى. قازىرگى تاڭدا اتالعان ەگىستىك جەرلەردى مەملەكەتتىك مەنشىككە قايتارۋ جونىندە ءتيىستى جۇمىستار اتقارىلۋدا.
سونداي-اق، بيىل اۋداندا 3 گەكتار جەرگە جىلىجاي سالىنىپ، ونىڭ جالپى كولەمى 21،2 گەكتارعا جەتتى. كەلەسى جىلى ولاردىڭ كولەمىن 25 گەكتارعا جەتكىزىلەتىن بولادى.
اۋداندا بيىلعى جىلى «سىباعا» باعدارلاماسى بويىنشا 60 باس ءىرى قارا مال الىندى. سول سياقتى «التىن اسىق» باعدارلاماسى بويىنشا 600 باس ۇساق مال، «قۇلان» باعدارلاماسى بويىنشا 30 باس جىلقى الىندى.
بيىلعى جىلى بىلتىرعى جىلدىڭ ءتيىستى كەزەڭىمەن سالىستىرعاندا ءىرى قارا مال 2845 باسقا (ونىڭ ىشىندە: سيىر 3153 باسقا)، قوي-ەشكى 4459 باسقا، جىلقى 861 باسقا، شوشقا 8 باسقا، قۇستار 734 باسقا ارتىپ وتىر.
مال شارۋاشىلىعىنڭ ونىمدەرى بىلتىرعى جىلدىڭ ءتيىستى كەزەڭىمەن سالىستىرعاندا ءبىرشاما وسكەن. ەت 0،1 مىڭ تونناعا، ءسۇت 0،4 مىڭ تونناعا، جۇمىرتقا 0،4 ملن داناعا ارتقان.
بۇگىنگى كۇنگە اۋداندا 1507 ءىرى قارا مالى بار 137 شاعىن مال بورداقىلاۋ الاڭدارى جۇمىس ىستەپ تۇرسا، كەلەسى جىلى ونىڭ سانىن تاعى 158-گە ارتتىرۋ جوسپارلانىپ وتىر. سونداي-اق، بيىلعى جىلعى 23 ءسۇت قابىلداۋ بەكەتتەرىن 2019 جىلى 25 - كە ارتتىرۋ جوسپارلانۋدا.
وسى جۇمىستاردىڭ ناتيجەسىندە اعىمداعى جىلدىڭ 20 قاراشاسى كۇنى تۇركىستان قالاسىندا وتكىزىلگەن وبلىستىق اۋىل شارۋاشىلىعى قىزمەتكەرلەرىنىڭ كاسىبي مەرەكەسى «اگروفەست-2018» مەرەكەلىك ءىس-شاراسىندا جىل قورتىندىسىمەن جەتىساي اۋدانى ماقتا ءوندىرۋ بويىنشا I – ورىن، باقشا ونىمدەرىن ەكسپورتتاۋدان I – ورىندى يەلەندى.
