Jıynǵa dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov, Maqtaaral aýdanynyń ákimi Baqyt Asanov, Jetisaı aýdany ákiminiń orynbasary Maqsat Joldasbekov, “Nur Otan” partıasy Jetisaı aýdandyq fılıaly tóraǵasynyń birinshi orynbasary Ábdimanap Baıdýllaev jáne «Syrdarıa» ýnıversıtetiniń rektory, profesor Serik Daıyrbekovtyń qatysty.
Shara barysynda sóz alǵan Zaýytbek Turysbekov qazaq handary týraly áńgime órbitip, baba tarıhymyzdy úgittep, nasıhattaý jumystaryn kúsheıtý kerektigine toqtaldy. Sondaı-aq, sharada Nurtas Ońdasynovtyń elge jasaǵan erligi týraly arnaıy beınefılmi kórsetildi.
Nurtas Ońdasynov qoǵam qaıratkeri, tilshi-ǵalym. Ol kisi zamannyń aýyr kezeńinde 13 jyl boıy Qazaqstan Halyq Komısarlar Keńesiniń tóraǵasy bolǵan. Úkimet basyna kelisimen birinshi kezekte elde júrip jatqan saýatsyzdyqty joıýdy qolǵa alyp, ony sátti aıaqtaıdy.
Shalǵaı aýdandarda muǵalimder daıarlaıtyn kýrstar, ýchılıshe, oblys ortalyqtarynda muǵalimder ınstıtýtyn ashyp, Ortalyq Komıtettiń saıasatynyń júzege asýyna kúsh salady. Qazaqstan Ortalyq Komıtetiniń búro múshesi retinde ol mádenıet máselelerine jaýapty boldy. N.Ońdasynov soǵys jyldarynyń aýyrtpalyǵyna qaramaı Abaıdyń 95 jáne 100 jyldyq mereıtoıyn asa bıik dárejede atap ótý jóninde Úkimet qaýlysyn shyǵaryp, komısıanyń tóraǵasy ózi bolyp ótkizgen.
Jıynda jaryssózge shyqqandar Elbasynyń maqalasyn tereń uǵynyp, keleshek urpaqqa úlge etýde aıanbaı eńbek etýge ýaǵdalasyp tarqasty.
Jetisaı aýdany ákiminiń baspasóz qyzmeti
