جيىنعا دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ، ماقتاارال اۋدانىنىڭ اكىمى باقىت اسانوۆ، جەتىساي اۋدانى اكىمىنىڭ ورىنباسارى ماقسات جولداسبەكوۆ، “نۇر وتان” پارتياسى جەتىساي اۋداندىق فيليالى ءتوراعاسىنىڭ ءبىرىنشى ورىنباسارى ءابدىماناپ بايدۋللايەۆ جانە «سىرداريا» ۋنيۆەرسيتەتىنىڭ رەكتورى، پروفەسسور سەرىك دايىربەكوۆتىڭ قاتىستى.
شارا بارىسىندا ءسوز العان زاۋىتبەك تۇرىسبەكوۆ قازاق حاندارى تۋرالى اڭگىمە ءوربىتىپ، بابا تاريحىمىزدى ۇگىتتەپ، ناسيحاتتاۋ جۇمىستارىن كۇشەيتۋ كەرەكتىگىنە توقتالدى. سونداي-اق، شارادا نۇرتاس وڭداسىنوۆتىڭ ەلگە جاساعان ەرلىگى تۋرالى ارنايى بەينەفيلمى كورسەتىلدى.
نۇرتاس وڭداسىنوۆ قوعام قايراتكەرى، ءتىلشى-عالىم. ول كىسى زاماننىڭ اۋىر كەزەڭىندە 13 جىل بويى قازاقستان حالىق كوميسسارلار كەڭەسىنىڭ ءتوراعاسى بولعان. ۇكىمەت باسىنا كەلىسىمەن ءبىرىنشى كەزەكتە ەلدە ءجۇرىپ جاتقان ساۋاتسىزدىقتى جويۋدى قولعا الىپ، ونى ءساتتى اياقتايدى.
شالعاي اۋدانداردا مۇعالىمدەر دايارلايتىن كۋرستار، ۋچيليششە، وبلىس ورتالىقتارىندا مۇعالىمدەر ينستيتۋتىن اشىپ، ورتالىق كوميتەتتىڭ ساياساتىنىڭ جۇزەگە اسۋىنا كۇش سالادى. قازاقستان ورتالىق كوميتەتىنىڭ بيۋرو مۇشەسى رەتىندە ول مادەنيەت ماسەلەلەرىنە جاۋاپتى بولدى. ن.وڭداسىنوۆ سوعىس جىلدارىنىڭ اۋىرتپالىعىنا قاراماي ابايدىڭ 95 جانە 100 جىلدىق مەرەيتويىن اسا بيىك دارەجەدە اتاپ ءوتۋ جونىندە ۇكىمەت قاۋلىسىن شىعارىپ، كوميسسيانىڭ ءتوراعاسى ءوزى بولىپ وتكىزگەن.
جيىندا جارىسسوزگە شىققاندار ەلباسىنىڭ ماقالاسىن تەرەڭ ۇعىنىپ، كەلەشەك ۇرپاققا ۇلگە ەتۋدە ايانباي ەڭبەك ەتۋگە ۋاعدالاسىپ تارقاستى.
جەتىساي اۋدانى اكىمىنىڭ باسپا ءسوز قىزمەتى
