Jetisai aýdanyndaǵy Maqtaly aýyldyq okrýginde mashina-tehnikalyq stantsiiasy ashyldy, dep habarlaidy Dalanews.kz
«Maqtaly Jer» JShS-ne memleket tarapynan 470 mln. teńge jeńildetilgen nesie berilgen. Jyldyq ústemesi 5 paiyzdy quraityn nesiege kásipker 36 dana aýyl sharýashylyǵyna qajetti zamanaýi túrli tehnikalar men agregattardy satyp alǵan.
Aita ketý kerek, Serjan Tastanbekovtyń basshylyǵyndaǵy seriktestikte buǵan deiin de aýyl sharýashylyǵy salasyna qajetti 52 dana túrli tehnikalar men agregattar bolǵan.
Aýdan ákimi Serik Mamytov Maqtaly aýyldyq okrýginde ornalasqan atalmysh stantsiiada bolyp, tehnikalardy kórdi. Ondaǵy kórsetiletin qyzmetterdiń barysymen tanysty.
–Erte kóktemnen egistiktiń basynan tabylatyn sharýalarymyz úshin egistik alqaptarda tiisti jumystardy der kezinde júrgizý, gektaryna ketetin shyǵyndy azaitý – egin egip, mol ónim alýdyń negizgi tetigi. Sondyqtan agrosektordaǵy ozyq tehnologiialar men zamanaýi tehnikalardy paidalaný asa mańyzdy, – dedi aýdan basshysy.
Óz kezeginde «Maqtaly Jer» JShS mamandary zamanaýi tehnikalardyń kómegimen synaqtan ótken tásilderdi kórsetip, ǵalymdardyń nusqaýlyqtaryn uǵyndyrýdy, qajet bolǵan jaǵdaida dihandarǵa jumys isteý erejelerin úiretýge daiyn ekenderin aitady.
Ótken jyldyń ózinde jetisailyq sharýalar aýyl sharýashylyǵy tehnikalaryn jańalaý baǵytynda memlekettik qoldaýlar arqyly 182 dana jańa tehnikalar satyp alǵan.
