جەتٸساي اۋدانىنداعى ماقتالى اۋىلدىق وكرۋگٸندە ماشينا-تەحنيكالىق ستانتسيياسى اشىلدى, دەپ حابارلايدى Dalanews.kz
«ماقتالى جەر» جشس-نە مەملەكەت تاراپىنان 470 ملن. تەڭگە جەڭٸلدەتٸلگەن نەسيە بەرٸلگەن. جىلدىق ٷستەمەسٸ 5 پايىزدى قۇرايتىن نەسيەگە كەسٸپكەر 36 دانا اۋىل شارۋاشىلىعىنا قاجەتتٸ زاماناۋي تٷرلٸ تەحنيكالار مەن اگرەگاتتاردى ساتىپ العان.
ايتا كەتۋ كەرەك, سەرجان تاستانبەكوۆتىڭ باسشىلىعىنداعى سەرٸكتەستٸكتە بۇعان دەيٸن دە اۋىل شارۋاشىلىعى سالاسىنا قاجەتتٸ 52 دانا تٷرلٸ تەحنيكالار مەن اگرەگاتتار بولعان.
اۋدان ەكٸمٸ سەرٸك مامىتوۆ ماقتالى اۋىلدىق وكرۋگٸندە ورنالاسقان اتالمىش ستانتسييادا بولىپ, تەحنيكالاردى كٶردٸ. ونداعى كٶرسەتٸلەتٸن قىزمەتتەردٸڭ بارىسىمەن تانىستى.
–ەرتە كٶكتەمنەن ەگٸستٸكتٸڭ باسىنان تابىلاتىن شارۋالارىمىز ٷشٸن ەگٸستٸك القاپتاردا تيٸستٸ جۇمىستاردى دەر كەزٸندە جٷرگٸزۋ, گەكتارىنا كەتەتٸن شىعىندى ازايتۋ – ەگٸن ەگٸپ, مول ٶنٸم الۋدىڭ نەگٸزگٸ تەتٸگٸ. سوندىقتان اگروسەكتورداعى وزىق تەحنولوگييالار مەن زاماناۋي تەحنيكالاردى پايدالانۋ اسا ماڭىزدى, – دەدٸ اۋدان باسشىسى.
ٶز كەزەگٸندە «ماقتالى جەر» جشس ماماندارى زاماناۋي تەحنيكالاردىڭ كٶمەگٸمەن سىناقتان ٶتكەن تەسٸلدەردٸ كٶرسەتٸپ, عالىمداردىڭ نۇسقاۋلىقتارىن ۇعىندىرۋدى, قاجەت بولعان جاعدايدا ديحاندارعا جۇمىس ٸستەۋ ەرەجەلەرٸن ٷيرەتۋگە دايىن ەكەندەرٸن ايتادى.
ٶتكەن جىلدىڭ ٶزٸندە جەتٸسايلىق شارۋالار اۋىل شارۋاشىلىعى تەحنيكالارىن جاڭالاۋ باعىتىندا مەملەكەتتٸك قولداۋلار ارقىلى 182 دانا جاڭا تەحنيكالار ساتىپ العان.
