Jetisai aýdanynyń ortalyǵynda Jetisai qalasynyń 55 jyldyǵy aiasynda merekelik is-shara ótti, dep habarlaidy Dalanews.kz.
Jiynǵa arnaiy aýdan ákimi Serik Mamytov qatysyp, aimaqtaǵy úzdik sharýalardy marapattady. «Jeńis» alańynda aýdannyń aýyl sharýashylyǵy taýar óndirýshileri men kásipkerleriniń óndirgen ónimderiniń kórme-jármeńkesi ótti. Sondai-aq, alańda ulttyq taǵamdar daiyndalyp, aýdan turǵyndaryna usynyldy. Qalanyń 55 jyldyǵyna orai, 55 metrlik káýap pen 55 santimetrlik samsa daiyndalyp, shahar turǵyndary men qonaqtaryna taratyldy.
- Budan ózge, ortalyq saiabaqta jasóspirimder arasynda kishi fýtboldan aýdannyń ashyq birinshiligi men «Alyptar saiysy» ótti. Aýdanda tuńǵysh ret ótkizilgen bairaqty básekege V Dúniejúzilik kóshpendiler oiyndarynyń jeńimpazy Azamat Maqulbekov qonaq retinde arnaiy qatysty.
