جەتٸساي اۋدانىنىڭ ورتالىعىندا جەتٸساي قالاسىنىڭ 55 جىلدىعى اياسىندا مەرەكەلٸك ٸس-شارا ٶتتٸ, دەپ حابارلايدى Dalanews.kz.
جيىنعا ارنايى اۋدان ەكٸمٸ سەرٸك مامىتوۆ قاتىسىپ, ايماقتاعى ٷزدٸك شارۋالاردى ماراپاتتادى. «جەڭٸس» الاڭىندا اۋداننىڭ اۋىل شارۋاشىلىعى تاۋار ٶندٸرۋشٸلەرٸ مەن كەسٸپكەرلەرٸنٸڭ ٶندٸرگەن ٶنٸمدەرٸنٸڭ كٶرمە-جەرمەڭكەسٸ ٶتتٸ. سونداي-اق, الاڭدا ۇلتتىق تاعامدار دايىندالىپ, اۋدان تۇرعىندارىنا ۇسىنىلدى. قالانىڭ 55 جىلدىعىنا وراي, 55 مەترلٸك كەۋاپ پەن 55 سانتيمەترلٸك سامسا دايىندالىپ, شاھار تۇرعىندارى مەن قوناقتارىنا تاراتىلدى.
- بۇدان ٶزگە, ورتالىق ساياباقتا جاسٶسپٸرٸمدەر اراسىندا كٸشٸ فۋتبولدان اۋداننىڭ اشىق بٸرٸنشٸلٸگٸ مەن «الىپتار سايىسى» ٶتتٸ. اۋداندا تۇڭعىش رەت ٶتكٸزٸلگەن بايراقتى بەسەكەگە V دٷنيەجٷزٸلٸك كٶشپەندٸلەر ويىندارىنىڭ جەڭٸمپازى ازامات ماقۇلبەكوۆ قوناق رەتٸندە ارنايى قاتىستى.
