نيدەرلاندتىڭ MV Hondius كرۋيز لاينەرٸندە تٸركەلگەن قاۋٸپتٸ حانتاۆيرۋس ٸندەتٸ ەلەم جۇرتشىلىعىن الاڭداتىپ وتىر, دەپ حابارلايدى dalanews.kz.
سەۋٸر ايىنىڭ باسىندا ارگەنتينادان اتلانت مۇحيتى ارقىلى ساپارعا شىققان لاينەر بورتىندا 149 ادام بولعان. الايدا بٸرنەشە كٷننەن كەيٸن جولاۋشىلار اراسىندا بەلگٸسٸز رەسپيراتورلىق اۋرۋ تاراي باستادى. كەيٸننەن ونىڭ اند حانتاۆيرۋسى ەكەنٸ انىقتالعان.
قازٸرگٸ مەلٸمەت بويىنشا, كەمٸندە سەگٸز ادام ۆيرۋس جۇقتىرعان. ٷش جولاۋشى – نيدەرلاندتان كەلگەن ەرلٸ-زايىپتى مەن گەرمانييا ازاماتى كٶز جۇمدى. تاعى بٸرنەشە ادام اۋرۋحاناعا جەتكٸزٸلٸپ, باقىلاۋعا الىنعان.
ۆيرۋس انىقتالعاننان كەيٸن لاينەر كانار ارالدارىنا باعىت الىپ, يسپانييا بيلٸگٸ جولاۋشىلاردى ەۆاكۋاتسييالاۋ وپەراتسيياسىن باستادى. قازٸر جولاۋشىلاردىڭ بٸر بٶلٸگٸ كانادا, ۇلىبريتانييا, گەرمانييا, سينگاپۋر, شۆەيتسارييا جەنە باسقا ەلدەرگە قايتارىلعان.
تەدروس ادحانوم گەبرەيەسۋس جاعداي باقىلاۋدا ەكەنٸن ايتىپ, ەلەم بويىنشا ٸندەتتٸڭ تارالۋ قاۋپٸ ەزٸرگە تٶمەن دەڭگەيدە باعالاناتىنىن مەلٸمدەدٸ.
مامانداردىڭ ايتۋىنشا, حانتاۆيرۋس كٶبٸنە كەمٸرگٸشتەر ارقىلى جۇعادى. ادام ۆيرۋس جۇقتىرعان جانۋارلاردىڭ سٸلەكەيٸ, زەرٸ نەمەسە نەجٸسٸ بار شاڭدى جۇتۋ ارقىلى اۋىرۋى مٷمكٸن. ال MV Hondius لاينەرٸندە انىقتالعان اند ۆيرۋسى – ادامنان ادامعا جۇعۋى ىقتيمال سيرەك شتامداردىڭ بٸرٸ.
دەرٸگەرلەر حانتاۆيرۋس بەلگٸلەرٸنە ەرەكشە نازار اۋدارۋعا شاقىرادى. اۋرۋ باستاپقىدا تۇماۋعا ۇقساس سيمپتومدارمەن باستالادى:
- دەنە قىزۋىنىڭ كٶتەرٸلۋٸ;
- باس اۋرۋى;
- بۇلشىقەت اۋىرۋى;
- ەلسٸزدٸك;
- جٷرەك اينۋ مەن قۇسۋ;
- جٶتەل جەنە ەنتٸگۋ.
اۋرۋ اسقىنعان جاعدايدا ٶكپە ٸسٸنٸپ, تىنىس الۋ قيىنداۋى مٷمكٸن.
