Jetisai aýdanyna 300 mln. teńge investitsiia tartyldy
Jiyn barsynda aýdan basshysy jalpy ishki ónim kólemin arttyrý, jumyssyzdyq deńgeiin tómendetý maqsatynda atqarylyp jatqan birqatar sharýalarǵa toqtaldy.
«Burynǵy irilengen Maqtaral aýdany Elbasy Jarlyǵymen ekige bólinýine bailanysty Jetisai aýdanynda indýstrialdy investitsiialyq aimaq qurý jumystary jalǵasýda. Ázirge jer telimi izdestirilip, birqatar jobalardy iske asyrý josparlanýda. Atap aitsaq, aýdanymyzdaǵy sút óńdeý zaýyttarynyń sanyn arttyrý maqsatynda jeltoqsan aiynyń sońyna deiin Qaraqai aýyldyq okrýginen sútti qaita óńdeý tsehy ashylǵaly tur. Atalǵan jobanyń quny 100 myń AQSh dollaryn quraidy. Nátijesinde Jetisai aýdanynda sút óńdeitin eki kásiporyn bolady. Onyń birinshisi - Asyqata kentinde burynnan jumys istep keledi. «Aq altyn Bereke» JShS-gi 2008 jyly qurylǵan. Kásiporyn jylyna 400 tonna sút ónimderin óńdeidi. 20 adam turaqty jumyspen qamtylǵan. Ónimderi negizinen oblys aýmaǵynda saýdalanady», – dedi Jamantai Beisenbaev.
2018 jyldyń 11 aiynda 300 mln teńge investitsiia tartyldy. Atap aitsaq, «Khansuar invest» JShS jáne «Tuńǵatar» óndiristik kooperativteri aýdanǵa sheteldik maqta teretin kombaindar, jer jyrtýǵa aranalǵan tehnikalar jáne basqa da aýylsharýashylyǵy tehnikalaryn alyp kelip, aýdanǵa qosymsha 1 mlrd teńgege jýyq investitsiia tartyldy. Qazirgi tańda tiisti qujattar ázirlenýde.
Sondai-aq, sheteldik investorlaryna záitún maiyn shyǵaratyn zaýytqa qajetti 20-30 gektar jer ýchasksi usynylǵan. Qazir usynylǵan jerlerdiń topyraq quramyn anyqtaý úshin tiisti jumystar atqarylýda. Odan bólek, aýdanda balamaly energiia kózderin damytý arqyly tapshylyqty joiýǵa baǵyttalǵan «Kompaniia Kadi» JShS-nyń qýattylyǵy 4,8 MVt kún elektrstansasy jobasy boiynsha jerge ornalastyrý jumystary júrgizilýde.
Túrkistan oblysy ákiminiń baspasóz qyzmeti
