Túrkistan oblysynyń Jetisaı aýdandyq ortalyq aýrýhanasy kúrdeli jóndeýden ótip sý jańa «Angıograf» medısınalyq quraly ornatylyldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Aýdandyq aýrýhana «Aýylda densaýlyq saqtaýdy jańǵyrtý» pılottyq Ulttyq jobasy aıasynda kúrdeli jóndeý jumystary júrgizilgen. Jóndeý jumysynan keıin emdeý mekemesine zamanaýı qabyldaý bólimi jáne «Magnıtti-rezonansty tomograf (MRT)» ǵımarattary salynǵan.

Kúrdeli jóndeý jumystary respýblıkalyq búdjetten jasaldy. Sondaı-aq, zamanaýı «Angıograf» medısınalyq quraly ornatylyp, aqhalattylardyń óz kásibine degen adaldyǵynyń arqasynda qazir naýqastarǵa júrek-qan tamyrlary aýrýlaryna kúrdeli operasıalar jasalynýda.

Em alǵandar dertine daýa taýyp, bılik oryndaryna alǵys aıtýda. Bul koronarografıa jasaıtyn apparat aýdandar arasynda tek Jetisaıda ǵana bar. Sondyqtan, kórshiles aýdan turǵyndary da bul qyzmet túrin ala alady.

Búginde aýdandyq aýrýhanada 1241 qyzmetker jumys jasaıdy. Aýrýhanaǵa tirkelgen halyq sany – 85 315 adamdy quraıdy.

Aıta ketý kerek, 2017 jyldan beri Kompúterlik tomograf (KT) medısınalyq quraly halyqqa medısınalyq qyzmet kórsetip keledi.

2025 jylǵa «Magnıtti-rezonansty tomograf (MRT)» medısınalyq qural jabdyǵyn satyp alý josparlanǵan.

Qazirgi tańda aýrýhana kóp beıindi aýrýhana statýsyna ıe bolý úshin, sondaı-aq medısına salasyn qalypty damyta otyryp, naýqastarǵa qyzmet kórsetý sapasyn arttyrý maqsatynda júıeli túrde jumystar jasalynýda.