"Búgingi kúngi indýstriialandyrý aiasynda júzege asyrýdy josparlap otyrǵan qazaqstan-qytailyq 55 birlesken jobaǵa toqtala ketsem deimin", - dedi jýrnalistermen júzdesken Qasymbek .
Máminniń orynbasary, munyń sý jańa jobalar ekenin basa atap ótti.
- Bul zaýyttar, keibireý aityp júrgender qorshaǵan ortany ýlaityn, eski-qusqy emes, jańa jobalar. Resmi túrde málimdeimin, elimizge kóshirilgeli jatqan nemese eski-qusqy zaýyt degen sóz joq. Bul jobalardyń barlyǵy da sý jańa, - dep atap ótti ol.
Qasymbek osy sóziniń dáleli retinde birneshe mysal da keltire ketti.
- Iá, ár joba boiynsha naqty aiǵaǵym bar. Mysaly úshin kúni keshe Qapshaǵaida balamaly elektr stantsiiasy - kúnnen energiia alatyn stantsiia ashyldy. Onda 30 adam jumys isteidi, barlyǵy da qazaqstandyqtar, tyń - jańa óndiris - bul balamaly energiia kózi. Biz soǵan kóshetin bolamyz. Qazaqstanda jyl sońyna deiin jel men kúnnen óndiriletin energiia qýaty 1000 megavatty quraityn bolady. Bul - jahandyq úrdis, sondyqtan biz odan bas tarta almaimyz. Mine, osy sekildi árbir kásiporyn boiynsha tolyq aqparat bere alamyn, - dedi ol.
Onyń aitýynsha, bul aqparattyń barlyǵy QR Indýstriia jáne infraqurylymdardy damytý ministrliginiń resmi saitynda bar, sonda barlyǵy jariialanǵan.
- Bul aqparattar áleýmettik jelide, QR Indýstriia jáne infraqurylymdardy damytý ministrliginiń saitynda tur. Kem degende eki jyl buryn jariialanǵan olar. Bul arada jasyryn dáneme de joq.
Taǵy bir aita ketetin jait, bul jańa tehnologiialar, bir elden ekinshi elge kóshirilgeli jatqan "las" kásiporyndar nemese eski kásiporyndar degen joq. Barlyq kásiporyndar jańa. Jalpylai alǵanda, biz osy kásiporyndar aiasynda 20 myńǵa deiin jańa jumys ornyn ashýdy josparlap otyrmyz, - dep sózin túiindedi Jeńis Qasymbek.
