"بۇگىنگى كۇنگى يندۋستريالاندىرۋ اياسىندا جۇزەگە اسىرۋدى جوسپارلاپ وتىرعان قازاقستان-قىتايلىق 55 بىرلەسكەن جوباعا توقتالا كەتسەم دەيمىن"، - دەدى جۋرناليستەرمەن جۇزدەسكەن قاسىمبەك .
ءماميننىڭ ورىنباسارى، مۇنىڭ سۋ جاڭا جوبالار ەكەنىن باسا اتاپ ءوتتى.
- بۇل زاۋىتتار، كەيبىرەۋ ايتىپ جۇرگەندەر قورشاعان ورتانى ۋلايتىن، ەسكى-قۇسقى ەمەس، جاڭا جوبالار. رەسمي تۇردە مالىمدەيمىن، ەلىمىزگە كوشىرىلگەلى جاتقان نەمەسە ەسكى-قۇسقى زاۋىت دەگەن ءسوز جوق. بۇل جوبالاردىڭ بارلىعى دا سۋ جاڭا، - دەپ اتاپ ءوتتى ول.
قاسىمبەك وسى ءسوزىنىڭ دالەلى رەتىندە بىرنەشە مىسال دا كەلتىرە كەتتى.
- ءيا، ءار جوبا بويىنشا ناقتى ايعاعىم بار. مىسالى ءۇشىن كۇنى كەشە قاپشاعايدا بالامالى ەلەكتر ستانسياسى - كۇننەن ەنەرگيا الاتىن ستانسيا اشىلدى. وندا 30 ادام جۇمىس ىستەيدى، بارلىعى دا قازاقستاندىقتار، تىڭ - جاڭا ءوندىرىس - بۇل بالامالى ەنەرگيا كوزى. ءبىز سوعان كوشەتىن بولامىز. قازاقستاندا جىل سوڭىنا دەيىن جەل مەن كۇننەن وندىرىلەتىن ەنەرگيا قۋاتى 1000 مەگاۆاتتى قۇرايتىن بولادى. بۇل - جاھاندىق ءۇردىس، سوندىقتان ءبىز ودان باس تارتا المايمىز. مىنە، وسى سەكىلدى ءاربىر كاسىپورىن بويىنشا تولىق اقپارات بەرە الامىن، - دەدى ول.
ونىڭ ايتۋىنشا، بۇل اقپاراتتىڭ بارلىعى ق ر يندۋستريا جانە ينفراقۇرىلىمداردى دامىتۋ مينيسترلىگىنىڭ رەسمي سايتىندا بار، سوندا بارلىعى جاريالانعان.
- بۇل اقپاراتتار الەۋمەتتىك جەلىدە، ق ر يندۋستريا جانە ينفراقۇرىلىمداردى دامىتۋ مينيسترلىگىنىڭ سايتىندا تۇر. كەم دەگەندە ەكى جىل بۇرىن جاريالانعان ولار. بۇل ارادا جاسىرىن دانەمە دە جوق.
تاعى ءبىر ايتا كەتەتىن جايت، بۇل جاڭا تەحنولوگيالار، ءبىر ەلدەن ەكىنشى ەلگە كوشىرىلگەلى جاتقان "لاس" كاسىپورىندار نەمەسە ەسكى كاسىپورىندار دەگەن جوق. بارلىق كاسىپورىندار جاڭا. جالپىلاي العاندا، ءبىز وسى كاسىپورىندار اياسىندا 20 مىڭعا دەيىن جاڭا جۇمىس ورنىن اشۋدى جوسپارلاپ وتىرمىز، - دەپ ءسوزىن تۇيىندەدى جەڭىس قاسىمبەك.
