2025 jyldyń jeltoqsanynda Qazaqstanda halyqtyń qolma-qol dollar satyp alýy rekordtyq kórsetkishke jetti. Aiyrbastaý pýnktteriniń derekterine sáikes, jeltoqsan aiynda turǵyndardyń shetel valiýtasyn taza satyp alý kólemi 322,8 mlrd teńgeni qurady, dep habarlaidy Dalanews.kz.
Never.Aqsha telegram arnasynyń málimetinshe, bul kórsetkish 2024 jyldyń jeltoqsanymen salystyrǵanda shamamen 1,8 ese kóp. Ol kezde dollar satyp alý kólemi 176 mlrd teńge deńgeiinde bolǵan.
Dollarǵa degen suranys el aýmaǵy boiynsha aitarlyqtai artqan. Ásirese, Almaty, Astana jáne Shymkent qalalarynda valiýtalyq operatsiialar kólemi joǵary boldy. Sonymen qatar Qaraǵandy, Mańǵystaý jáne Pavlodar oblystarynda da dollar satyp alý aitarlyqtai ulǵaiǵany tirkeldi.
Osy kezeńde qazaqstandyqtar reseilik rýblden bas tartýdy jalǵastyrdy. Jeltoqsan aiynda rýbldiń taza satylymy 11,8 mlrd teńgeden asty, al bir jyl buryn bul kórsetkish 4,4 mlrd teńge bolǵan.
Al eýroǵa degen suranys kerisinshe, tómendegen. 2025 jyldyń jeltoqsanynda eýromen jasalǵan operatsiialar kólemi ótken jyldyń sáikes kezeńimen salystyrǵanda azaiǵan, ári suranys qalypty deńgeide qalǵan.
