Áleýmettik jelide 25 jeltoqsanda Aqtaý mańynda apatqa ushyraǵan ushaqtyń quiryq bóligi tasymaldanǵan sáttiń videosy tarady, - dep habarlaidy Dalanews.kz.
Jeli qoldanýshylary apatqa ushyraǵan lainerdiń synyqtary belgisiz baǵytqa aparyla jatqanyn jazǵan.
Lada.kz málimetinshe, bul jaǵdaiǵa qatysty Kólik ministrligi pikir bildirgen.
"Komissiia áýe kemesiniń elementterin angarǵa (ushaq turaǵy) tasymaldaý boiynsha jumys istep jatyr. Ol Aqtaý áýejaiynyń aýmaǵynda ornalasqan",-dep túsindirdi vedomstvonyń baspasóz qyzmeti ókili.
25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany - 38. Qaiǵyly oqiǵadan 29 adam aman qaldy.
