الەۋمەتتىك جەلىدە 25 جەلتوقساندا اقتاۋ ماڭىندا اپاتقا ۇشىراعان ۇشاقتىڭ قۇيرىق بولىگى تاسىمالدانعان ءساتتىڭ ۆيدەوسى تارادى، - دەپ حابارلايدى Dalanews.kz.
جەلى قولدانۋشىلارى اپاتقا ۇشىراعان لاينەردىڭ سىنىقتارى بەلگىسىز باعىتقا اپارىلا جاتقانىن جازعان.
Lada.kz مالىمەتىنشە، بۇل جاعدايعا قاتىستى كولىك مينيسترلىگى پىكىر بىلدىرگەن.
"كوميسسيا اۋە كەمەسىنىڭ ەلەمەنتتەرىن انگارعا (ۇشاق تۇراعى) تاسىمالداۋ بويىنشا جۇمىس ىستەپ جاتىر. ول اقتاۋ اۋەجايىنىڭ اۋماعىندا ورنالاسقان"،-دەپ ءتۇسىندىردى ۆەدومستۆونىڭ باسپا ءسوز قىزمەتى وكىلى.
25 جەلتوقساندا جەرگىلىكتى ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines اۋەكومپانياسىنا تيەسىلى ەمبراەر 190 ۇشاعى.
اقپارات بويىنشا ۇشاق بورتىندا 67 ادام، ونىڭ ىشىندە 5 ەكيپاج مۇشەسى بولعان.
اپاتتان 6 قازاقستاندىق كوز جۇمدى. جالپى قازا تاپقاندار سانى - 38. قايعىلى وقيعادان 29 ادام امان قالدى.
