Sınoptıkter Qazaqstanda erteń, 2025 jyldyń 5 qazanynda aýa raıy qandaı bolatynyn aıtty, dep habarlaıdy Dalanews.kz "Qazgıdromet" RMK-nyń baspasóz qyzmetine silteme jasap.

Boljamǵa sáıkes, jeksenbi kúni Qazaqstannyń basym bóliginde jaýyn-shashyn bolmaıdy.

Elimizdiń soltústigi men shyǵysynda jańbyr, qar jaýady dep kútiledi. 

Respýblıkamyzdyń basym bóliginde jel kúsheıip, tuman túsedi, ońtústik pen ońtústik-batysta shańdy daýyl turady, al shyǵysta kóktaıǵaq bolady dep kútiledi.

Jambyl oblysynyń batysynda, soltústiginde, taýly aımaqtarynda, Almaty oblysynyń soltústigi men ońtústiginde, Jetisý oblysynyń soltústigi men ortalyǵynda túnde synap baǵany 1-3 gradýs sýyqty kórsetip, úsik júredi dep boljanady. 

Batys Qazaqstan oblysynyń batysynda, soltústiginde, ortalyǵynda, Atyraý oblysynyń soltústik-shyǵysynda, Aqtóbe oblysynyń ońtústiginde, soltústiginde, Jambyl oblysynyń ortalyǵynda, Mańǵystaý oblysynyń batysy men soltústik-shyǵysynda, Qostanaı oblysynyń ońtústiginde joǵary órt qaýpi kútiledi.

Qyzylordada, Túrkistan oblysynyń soltústiginde, ońtústiginde, batysynda,  shóleıtti aımaqtarynda, Atyraý olysynyń soltústiginde, ońtústiginde,  shyǵysynda, Jambyl óńiriniń batysynda, soltústiginde, Batys Qazaqstan oblysynyń soltústik-batysynda, ońtústiginde, ońtústik-shyǵysynda, Aqtóbe oblysynyń batysynda, soltústik-shyǵysynda, ortalyǵynda, Almaty oblysynyń soltústiginde, Ulytaý oblysynyń ońtústiginde tótenshe órt qaýpi kútiledi.

Buǵan deıin sınoptıkter Almaty qalasy boıynsha aldaǵy jeti kúnniń aýa raıy boljamymen bólisken bolatyn.