Mańǵyshlaq stantsiiasynan Aqtaý teńiz portyna deiingi magistraldyq temirjol joldaryn jekemenshik kompaniianyń ielik etip kelgeni belgili boldy. Mańǵystaý oblysynyń ekonomikalyq soty "Kaskor-Transservis" AQ-ǵa magistraldy temirjol jelilerin memlekettiń ielegine qaitarýdy mindettedi, dep habarlaidy Dalanews.kz.
"Qoldanystaǵy zańnamaǵa sáikes magistraldyq temirjol joldary memleket menshiginde bolýy kerek. Atalǵan obektilerdiń strategiialyq mańyzdylyǵyn jáne olardy memleket menshigine qaitarý qajettigin eskere otyryp, prokýratýranyń qadaǵalaý aktisi boiynsha kólik ministrligi sotqa talap aryzben júgindi. Mańǵystaý oblysynyń mamandandyrylǵan aýdanaralyq ekonomikalyq sotynyń 2025 jylǵy 14 naýryzdaǵy sheshimimen talap aryz tolyq kólemde qanaǵattandyryldy", delingen Bas kólik prokýratýrasynyń habarlamasynda.
Bul sheshim Qazaqstannyń kólik infraqurylymynyń turaqty damýyn qamtamasyz etýdegi mańyzdy qadam bolyp tabylady jáne memlekettiń temir jol jelisiniń negizgi obektilerin baqylaýyna kepildik beredi.
