Oral qalasynda belgili jýrnalist ári qoǵam belsendisi Luqpan Ahmediiarov ustaldy, dep habarlaidy dalanews.kz.
Ahmediiarovtyń aitýynsha, ózi jubaiymen birge kele jatqan kólikti politsiia qyzmetkerleri qujattardy tekserý úshin toqtatqan. Tekserý barysynda jýrnalistiń sózinshe, onyń Reseidiń suraýy boiynsha halyqaralyq izdeýde júrgeni anyqtalǵan.
Luqpan Ahmediiarov Resei Ishki ister ministrligi ózine qatysty qylmystyq isti 2025 jyldyń 25 jeltoqsanynda qozǵaǵanyn aitty. Alaida is naqty qai bap boiynsha tirkelgeni ázirge oǵan belgisiz.
Al Batys Qazaqstan oblysy politsiia departamentiniń málimetinshe, patrýldik politsiia qyzmetkerleri Volkswagen avtokóligin toqtatyp, tekserý kezinde mindetti saqtandyrý polisiniń joq ekenin anyqtaǵan. Osyǵan bailanysty jýrnalist ákimshilik jaýapkershilikke tartylǵan.
Sondai-aq politsiia ókilderi júrgizýshiniń syrtqy kelbeti kúdik týdyrǵanyn aityp, ony meditsinalyq kýálandyrýdan ótkizý úshin arnaiy mekemege jibergenderin málimdedi.
BAQ málimetinshe, qazirgi ýaqytta Luqpan Ahmediiarov advokattarymen birge politsiia bóliminde otyr. Onyń isine qatysty qosymsha aqparat ázirge jariialanǵan joq.
