ورال قالاسىندا بەلگٸلٸ جۋرناليست ەرٸ قوعام بەلسەندٸسٸ لۇقپان احمەديياروۆ ۇستالدى, دەپ حابارلايدى dalanews.kz.
احمەديياروۆتىڭ ايتۋىنشا, ٶزٸ جۇبايىمەن بٸرگە كەلە جاتقان كٶلٸكتٸ پوليتسييا قىزمەتكەرلەرٸ قۇجاتتاردى تەكسەرۋ ٷشٸن توقتاتقان. تەكسەرۋ بارىسىندا جۋرناليستٸڭ سٶزٸنشە, ونىڭ رەسەيدٸڭ سۇراۋى بويىنشا حالىقارالىق ٸزدەۋدە جٷرگەنٸ انىقتالعان.
لۇقپان احمەديياروۆ رەسەي ٸشكٸ ٸستەر مينيسترلٸگٸ ٶزٸنە قاتىستى قىلمىستىق ٸستٸ 2025 جىلدىڭ 25 جەلتوقسانىندا قوزعاعانىن ايتتى. الايدا ٸس ناقتى قاي باپ بويىنشا تٸركەلگەنٸ ەزٸرگە وعان بەلگٸسٸز.
ال باتىس قازاقستان وبلىسى پوليتسييا دەپارتامەنتٸنٸڭ مەلٸمەتٸنشە, پاترۋلدٸك پوليتسييا قىزمەتكەرلەرٸ Volkswagen اۆتوكٶلٸگٸن توقتاتىپ, تەكسەرۋ كەزٸندە مٸندەتتٸ ساقتاندىرۋ پوليسٸنٸڭ جوق ەكەنٸن انىقتاعان. وسىعان بايلانىستى جۋرناليست ەكٸمشٸلٸك جاۋاپكەرشٸلٸككە تارتىلعان.
سونداي-اق پوليتسييا ٶكٸلدەرٸ جٷرگٸزۋشٸنٸڭ سىرتقى كەلبەتٸ كٷدٸك تۋدىرعانىن ايتىپ, ونى مەديتسينالىق كۋەلاندىرۋدان ٶتكٸزۋ ٷشٸن ارنايى مەكەمەگە جٸبەرگەندەرٸن مەلٸمدەدٸ.
باق مەلٸمەتٸنشە, قازٸرگٸ ۋاقىتتا لۇقپان احمەديياروۆ ادۆوكاتتارىمەن بٸرگە پوليتسييا بٶلٸمٸندە وتىر. ونىڭ ٸسٸنە قاتىستى قوسىمشا اقپارات ەزٸرگە جارييالانعان جوق.
