Jastar men kólik júrgizýshilerdiń súiikti sýsyny Gorilla Qazaqstanda óndiristi toqtatýy múmkin, dep habarlaidy Dalanews.kz.
Gorilla - TMD keńistigindegi iri sýsyn óndirýshilerdiń biri. Kompaniia jylyna 60 million litrden asa ónimdi shetelge shyǵarady jáne jýyrda "Jyldyń úzdik eksporttaýshysy" atanǵan. Alaida jańa salyq talaptaryna bailanysty óndiristi Ózbekstanǵa kóshirýi múmkin degen aqparat tarady.
Málimetke súiensek, buǵan 2026 jyldan bastap kúshine enetin Salyq kodeksi sebep bolyp otyr. Qujatqa sáikes energetikalyq sýsyndar aktsizdeletin ónim qataryna qosylady. Biraq eksport kezinde bul alymnan bosatý tártibi qarastyrylmaǵan. Ásirese, tapsyrys berýshiniń shikizatynan óndirilgen ónimderge jeńildik joq. Mamandar muny eleýli saldary bar tehnikalyq olqylyq dep baǵalap otyr.
El ekonomikasyna áseri
Eger kompaniia ketse:
-
jylyna 60 mln litr eksport kólemi qysqarady;
-
100 mln dollar kólemindegi shetel valiýtasynyń túsimi azaiady;
-
saladaǵy 4 myńǵa jýyq adam jumyssyz qalýy múmkin;
-
biýdjetke túsetin salyq 5-6 mlrd teńgege kemidi.
Jalpy ahýal
Keibir derekter boiynsha birqatar iri óndirýshi de elden ketý máselesin qarastyryp jatyr. Bul bir jaǵynan Ózbekstan Ortalyq Aziiada kásipkerlikke qolaily elge ainalǵanyn kórsetedi.
Sarapshylardyń pikirinshe, másele sheshilmese, Qazaqstan investitsiiadan, jumys oryndarynan jáne salyq túsimderinen aiyrylyp, aimaqtaǵy ekonomikalyq basymdyq pozitsiiasyn álsiretýi múmkin.
