Túrkistan oblysy ákiminiń orynbasary Beisenbai Tájibaevtyń tóraǵalyǵymen jiyn ótti. Onda birqatar salanyń ózekti máseleleri talqylandy. Jastar, ultaralyq qatynas, bilim berý jáne ózge de salalardaǵy túitkilder tarqatyldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Májiliske quqyq qorǵaý organdarynyń ókilderi, jaýapty basqarma basshylary, aýdan, qala ákimderiniń orynbasarlary qatysty.
– Qoǵamda ádildikti, eńbekti dáripteý, jastarǵa qoldaý kórsetý mańyzdy. Ókinishke qarai, qazirgi kezde balalardy ótirik tirkep, jalǵan málimet berip jatqan balabaqshalar anyqtaldy.
Júrgizilgen monitoring nátijesi solai kórsetip otyr. Budan bólek, tekserilmegen, jalǵan aqparat taratatyndar bar. Aqparattandyrý salasyndaǵy belsendilikti arttyrǵan jón. Jumys kúshi de jetispeidi.
Qazirgi ýaqytta oblysta 200-den astam nysanda qurylys jumystary júrgizilip jatyr. Solarǵa jumyssyz azamattardy tartyńyzdar. «Jastar praktikasy» bar, «Serpin» baǵdarlamasymen oqý, áskerge shaqyrý jumystary týraly túsindirý jumystaryn júrgizińizder.
Sondai-aq NEET sanatyndaǵy jastardy kolledjge oqytý máselesi de ózekti. Biyl jańa oqý jylyna 15500 orynǵa memlekettik tapsyrys berip otyrmyz. Jastar grantta oqi alady. Osy baǵytta da jumysty qolǵa alyńyzdar, – degen oblys ákiminiń orynbasary naqty jumys josparyn usynýdy tapsyrdy.
Kún tártibinde birqatar máseleler qaraldy. Oblystyq qoǵamdyq damý basqarmasynyń basshysy Erlan Kúzembaev oblystaǵy qoǵamdyq-saiasi ahýal men etnosaralyq birlikti nyǵaitý, bir ideia tóńiregine toptastyrý boiynsha atqarylyp jatqan jumystar týraly baiandady.
Sodan soń Arys qalasy ákiminiń orynbasary Almaz Sultanov, Túlkibas aýdany ákiminiń orynbasary Erbol Ormanov, Saryaǵash aýdany ákiminiń orynbasary Aldiiar Qozybaev aýdan, qaladaǵy ahýaldar týraly atap ótti.
Jiyn barysynda túrli usynystar aitylyp, suraqtar qoiyldy. Máseleler ortaǵa salynyp, naqty sheshimder qabylandy. Qaýipti oryndarǵa baqylaý kamerasyn ornatý jáne jazǵy saýyqtyrý lagerlerinde oqýshylarǵa ekologiialyq saýatty kóterý, qorshaǵan ortany qorǵaý, tazalaý joldaryn úiretý jumystaryn uiymdastyrý josparlanyp otyr.
