Jospar boiynsha «Jasyl beldeý» aimaǵynda 2019-2021 jyldar aralyǵynda kóshetter otyrǵyzyp, orman alqabyn kóbeitý arqyly jasyl aimaq qalyptastyrý josparlanǵan.
Osy oraida, 2019 jyldyń kókteminde 160 myń kóshet otyrǵyzylsa, kúzgi mezgilde 2000 gektar jerge 478 myń kóshet jáne 300 gektar tálimbaqta 400 myńǵa jýyq seppe kóshet otyrǵyzý josparda bar.
Atap aitqanda, usaqjapyraqty shegirshin, úlkenjapyraqty shegirshin, qaraǵai, jińishkejapyraqty jide, terek, úieńki, qytai shaǵany, súieldi qaiyń, emen, sarǵylt qaraqat egilmekshi.
«Jasyl beldeý» aimaǵyna kiretin jerlerdiń ormanǵa jaramsyzdyǵyn eskere otyryp, aladǵy ýaqytta 7700 gektar jerde jobalaý-izdestirý jumystarynyń tórt kezeńi júzege asyrylmaq.
2020 jyldan bastap, ǵylymi zerthanalardy tarta otyryp, oblys ákimdigi tarapynan «Jasyl beldeýdegi» tálimbaqta Túrkistan qalasynyń klimatyna tez beiimdeletin ekpe kóshet jáne kópjyldyq gúldeitin shópterdi suryptaý boiynsha jumystar atqarylatyn bolady.
Keler jyldyń kókteminde tálimbaqta oblysta jáne elimizde joq, ózge memleketterde ósetin ósimdikterdi jersindirý boiynsha tájiribe jasaý josparlanyp otyr. Bul óz kezeginde keibir qylqanjapyraqty tuqymdas túrlerin Túrkistan qalasynyń ainalasyndaǵy «Jasyl beldeýde» ósirý úshin beiimdeý maqsatynda júzege aspaq.
Túrkistan oblysy ákiminiń baspasóz qyzmeti
