تۇركىستان قالاسىن جەل ەروزياسىنان ساقتاۋ، كوگالداندىرۋ ماقساتىندا تۇركىستان قالاسىنىڭ اينالاسىندا «جاسىل بەلدەۋ» قالىپتاسىپ كەلەدى.

جوسپار بويىنشا «جاسىل بەلدەۋ» ايماعىندا 2019-2021 جىلدار ارالىعىندا كوشەتتەر وتىرعىزىپ، ورمان القابىن كوبەيتۋ ارقىلى جاسىل ايماق قالىپتاستىرۋ جوسپارلانعان.

وسى ورايدا، 2019 جىلدىڭ كوكتەمىندە 160 مىڭ كوشەت وتىرعىزىلسا، كۇزگى مەزگىلدە 2000 گەكتار جەرگە 478 مىڭ كوشەت جانە 300 گەكتار ءتالىمباقتا 400 مىڭعا جۋىق سەپپە كوشەت وتىرعىزۋ جوسپاردا بار.

جاسىل بەلدەۋدىڭ جالپى اۋماعى 7700 گەكتار جەردى قۇرايدى. سونىڭ ىشىندە 7500 گەكتار جەرگە 3،5 ملن ەكپە اعاش پەن 500 مىڭعا جۋىق بۇتالى وسىمدىكتەر  ەگىلمەك.

اتاپ ايتقاندا، ۇساقجاپىراقتى شەگىرشىن، ۇلكەنجاپىراقتى شەگىرشىن، قاراعاي، جىڭىشكەجاپىراقتى جيدە، تەرەك، ۇيەڭكى، جۇڭگو شاعانى، سۇيەلدى قايىڭ، ەمەن، سارعىلت قاراقات ەگىلمەكشى.

«جاسىل بەلدەۋ» ايماعىنا كىرەتىن جەرلەردىڭ ورمانعا جارامسىزدىعىن ەسكەرە وتىرىپ، الادعى ۋاقىتتا 7700 گەكتار جەردە جوبالاۋ-ىزدەستىرۋ جۇمىستارىنىڭ ءتورت كەزەڭى جۇزەگە اسىرىلماق.

2020 جىلدان باستاپ، عىلىمي زەرتحانالاردى تارتا وتىرىپ، وبلىس اكىمدىگى تاراپىنان «جاسىل بەلدەۋدەگى» ءتالىمباقتا تۇركىستان قالاسىنىڭ كليماتىنا تەز بەيىمدەلەتىن ەكپە كوشەت جانە كوپجىلدىق گۇلدەيتىن شوپتەردى سۇرىپتاۋ بويىنشا جۇمىستار اتقارىلاتىن بولادى.

كەلەر جىلدىڭ كوكتەمىندە ءتالىمباقتا وبلىستا جانە ەلىمىزدە جوق، وزگە مەملەكەتتەردە وسەتىن وسىمدىكتەردى جەرسىندىرۋ بويىنشا تاجىريبە جاساۋ جوسپارلانىپ وتىر. بۇل ءوز كەزەگىندە كەيبىر قىلقانجاپىراقتى تۇقىمداس تۇرلەرىن تۇركىستان قالاسىنىڭ اينالاسىنداعى «جاسىل بەلدەۋدە» ءوسىرۋ ءۇشىن بەيىمدەۋ ماقساتىندا جۇزەگە اسپاق.

​

تۇركىستان وبلىسى اكىمىنىڭ باسپا ءسوز قىزمەتى