Biyl jas talanttar ár saiys kúni ártúrli mýzykalyq súiemeldeýmen óner kórsetedi degen sheshim qabyldandy. Baiqaýdyń birinshi kúni olar óz ánderin Aleksandr Beliakov jetekshilik etetin estradalyq-simfoniialyq orkestrdiń súiemeldeýimen shyrqaidy. Ekinshi kúni «minýs 1» fonogrammasymen óner kórsetedi. Al úshinshi kúni olardy gitarist, aranjirovkashy, kompozitor, mýzykalyq prodiýser jáne dirijer Ilia Bashkatov basqaratyn, quramynda 6 instrýmentalshy, 4 úrmeli aspapshy jáne 3 bek-vokalist bar bend súiemeldeitin bolady.
Baiqaýda alǵash ret Gran-pri taǵaiyndaldy. Buǵan deiin «Jas Qanatta» nebári 3 júldeli oryn bolǵan. Endi «Aziia daýysy» festivali men «Jas qanat» baiqaýynyń negizin salýshylar - Murat Erǵaliev pen Aleksandr Ponomarev atyndaǵy Gran-pri paida boldy.
Sondai-aq, «Jas Qanat 2023» aiasynda «JAS QANAT – BALALAR» birinshi respýblikalyq balalar shyǵarmashylyǵy baiqaýy ótedi. Jas daryndar eki nominatsiia – vokal jáne sýret baiqaýy boiynsha baq synamaq. Jarys 1 maýsym – Balalardy qorǵaý kúnine orailastyrylyp, sol kúni bastalady. Uiymdastyrýshylardyń josparynsha, mektep oqýshylary sońǵy qońyraýdan keiin Respýblika saraiyna kelip, osy baiqaýdy tamashalai alady. Ony eresekter men jas qatysýshylar «Jas qanat» ánuranymen ashady.
Balalardyń sýret baiqaýy týraly aitaiyq. Irikteý kezeńinde, «Aziia daýysy» degen sóz tirkesi neni elestetedi, sol týraly sýret salý tapsyrmasy berilgen edi. Balalardyń jumystary biz kútkennen de asyp tústi. Ondaǵy irikteýdiń qalai ótip jatqanyn @azia.dauysy instagram paraqshasynan kóre alasyzdar. Eń qyzyqty jumystar «Jas qanat - 2023» baiqaýy ótetin Almatydaǵy Respýblika saraiynyń foiesindegi kórmege qoiylady.
Aitpaqshy, baiqaý kúnderi foiede úsh kórme ótedi: aty ańyzǵa ainalǵan halyqaralyq «Aziia daýysy» festivali fotomuraǵatynyń kórmesi, balalar sýret kórmesi jáne «Aziia daýysy – 2023» sahnalyq eskizderiniń kórmesi. Sahnalyq eskizderdi salý Júrgenov atyndaǵy Qazaq ulttyq óner akademiiasynyń stýdentterine tapsyrylǵan bolatyn. Úzdik eskiz avtory 100 000 teńge júlde alady. Shoý tek sahnada ǵana emes, onyń syrtynda da ótýi úshin Respýblika saraiynyń foiesinde tik-tokerlerge arnalǵan kiiz úi ornatylmaq.
«Jas qanat-2023» baiqaýy aiasynda biz ómirden ótip ketken, osy baiqaýǵa qatysy bar azamattardy eske alatyn bolamyz. Bul óte áserli sát bolady. Qalai ótetini ázirge qupiia.
Qazir biz tek «JAS QANAT. BALALAR - 2023» baiqaýyna qatysatyn jas talanttardyń tizimin jariialai alamyz:
1. SAMINA MYRZALIEVA, ASTANA, 9 JAS
2. ASYL MURAT, ASTANA, 12 JAS
3. ÁLIHAN NURLYBEK, ASTANA, 13 JAS
4. DASTAN TURDALY, ALMATY, 11 JAS
5. ROKSANA SYChEVA, ALMATY, 10 JAS
6. ÁMINA ÁBDILBEKOVA, ALMATY, 13 JAS
7. ÁDILET RYSBAI, QARAǴANDY OBLYSY, 11 JAS
8. AQNIET JANKELDI, ULYTAÝ OBLYSY, 11 JAS
9. YRYSGÚL QAIRATBEK, ULYTAÝ OBLYSY, 12 JAS
10. SEZIM SAPARBEK, PAVLODAR OBLYSY, 12 JAS
11. KÁÝSAR BOLAT, MAŃǴYSTAÝ OBLYSY, 12 JAS
12. ÁMINA ASǴATOVA, MAŃǴYSTAÝ OBLYSY, 12 JAS
13. TUMARHANYM IKLASBEK, QYZYLORDA OBLYSY, 11 JAS
14. AIZAT ShANIIaR, QYZYLORDA OBLYSY, 12 JAS
15. DILNAZ EJIROVA, ATYRAÝ OBLYSY, 12 JAS
16. ADEL KEREEVA, ATYRAÝ OBLYSY, 9 JAS
17. NURShAT QUSANOVA, ATYRAÝ OBLYSY, 13 JAS
18. EŃLIK BAIZAH, TÚRKISTAN OBLYSY, 13 JAS
19. ZERE JÚNISBAI, TÚRKISTAN OBLYSY, 11 JAS
20. INABAT TOITEBAI, JAMBYL OBLYSY, 12 JAS
21. BALYM NYSANALY, AQTÓBE OBLYSY, 11 JAS
22. ShAHISLAM ÁBDIǴAZIZ, AQTÓBE OBLYSY, 9 JAS
Dalanews.kz, Qala men Dala, DALA INSIDE - «Jas qanat - 2023» baiqaýynyń resmi aqparattyq seriktesi! Bizden jańalyq kútińizder!
