بيىل جاس تالانتتار ءار سايىس كۇنى ءارتۇرلى مۋزىكالىق سۇيەمەلدەۋمەن ونەر كورسەتەدى دەگەن شەشىم قابىلداندى. بايقاۋدىڭ ءبىرىنشى كۇنى ولار ءوز اندەرىن الەكساندر بەلياكوۆ جەتەكشىلىك ەتەتىن ەسترادالىق-سيمفونيالىق وركەستردىڭ سۇيەمەلدەۋىمەن شىرقايدى. ەكىنشى كۇنى «مينۋس 1» فونوگرامماسىمەن ونەر كورسەتەدى. ال ءۇشىنشى كۇنى ولاردى گيتاريست، ارانجيروۆكاشى، كومپوزيتور، مۋزىكالىق پروديۋسەر جانە ديريجەر يليا باشكاتوۆ باسقاراتىن، قۇرامىندا 6 ينسترۋمەنتالشى، 4 ۇرمەلى اسپاپشى جانە 3 بەك-ۆوكاليست بار بەند سۇيەمەلدەيتىن بولادى.
بايقاۋدا العاش رەت گران-پري تاعايىندالدى. بۇعان دەيىن «جاس قاناتتا» نەبارى 3 جۇلدەلى ورىن بولعان. ەندى «ازيا داۋىسى» فەستيۆالى مەن «جاس قانات» بايقاۋىنىڭ نەگىزىن سالۋشىلار - مۇرات ەرعالييەۆ پەن الەكساندر پونوماريەۆ اتىنداعى گران-پري پايدا بولدى.
سونداي-اق، «جاس قانات 2023» اياسىندا «جاس قانات – بالالار» ءبىرىنشى رەسپۋبليكالىق بالالار شىعارماشىلىعى بايقاۋى وتەدى. جاس دارىندار ەكى نوميناسيا – ۆوكال جانە سۋرەت بايقاۋى بويىنشا ب ا ق سىناماق. جارىس 1 ماۋسىم – بالالاردى قورعاۋ كۇنىنە ورايلاستىرىلىپ، سول كۇنى باستالادى. ۇيىمداستىرۋشىلاردىڭ جوسپارىنشا، مەكتەپ وقۋشىلارى سوڭعى قوڭىراۋدان كەيىن رەسپۋبليكا سارايىنا كەلىپ، وسى بايقاۋدى تاماشالاي الادى. ونى ەرەسەكتەر مەن جاس قاتىسۋشىلار «جاس قانات» انۇرانىمەن اشادى.
بالالاردىڭ سۋرەت بايقاۋى تۋرالى ايتايىق. ىرىكتەۋ كەزەڭىندە، «ازيا داۋىسى» دەگەن ءسوز تىركەسى نەنى ەلەستەتەدى، سول تۋرالى سۋرەت سالۋ تاپسىرماسى بەرىلگەن ەدى. بالالاردىڭ جۇمىستارى ءبىز كۇتكەننەن دە اسىپ ءتۇستى. ونداعى ىرىكتەۋدىڭ قالاي ءوتىپ جاتقانىن @azia.dauysy instagram پاراقشاسىنان كورە الاسىزدار. ەڭ قىزىقتى جۇمىستار «جاس قانات - 2023» بايقاۋى وتەتىن الماتىداعى رەسپۋبليكا سارايىنىڭ فويەسىندەگى كورمەگە قويىلادى.
ايتپاقشى، بايقاۋ كۇندەرى فويەدە ءۇش كورمە وتەدى: اتى اڭىزعا اينالعان حالىقارالىق «ازيا داۋىسى» فەستيۆالى فوتومۇراعاتىنىڭ كورمەسى، بالالار سۋرەت كورمەسى جانە «ازيا داۋىسى – 2023» ساحنالىق ەسكيزدەرىنىڭ كورمەسى. ساحنالىق ەسكيزدەردى سالۋ جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتتەرىنە تاپسىرىلعان بولاتىن. ۇزدىك ەسكيز اۆتورى 100 000 تەڭگە جۇلدە الادى. شوۋ تەك ساحنادا عانا ەمەس، ونىڭ سىرتىندا دا ءوتۋى ءۇشىن رەسپۋبليكا سارايىنىڭ فويەسىندە تيك-توكەرلەرگە ارنالعان كيىز ءۇي ورناتىلماق.
«جاس قانات-2023» بايقاۋى اياسىندا ءبىز ومىردەن ءوتىپ كەتكەن، وسى بايقاۋعا قاتىسى بار ازاماتتاردى ەسكە الاتىن بولامىز. بۇل وتە اسەرلى ءسات بولادى. قالاي وتەتىنى ازىرگە قۇپيا.
ءقازىر ءبىز تەك «جاس قانات. بالالار - 2023» بايقاۋىنا قاتىساتىن جاس تالانتتاردىڭ ءتىزىمىن جاريالاي الامىز:
1. سامينا مىرزالييەۆا، استانا، 9 جاس
2. اسىل مۇرات، استانا، 12 جاس
3. ءاليحان نۇرلىبەك، استانا، 13 جاس
4. داستان تۇردالى، الماتى، 11 جاس
5. روكسانا سىچيەۆا، الماتى، 10 جاس
6. ءامينا ابدىلبەكوۆا، الماتى، 13 جاس
7. ادىلەت رىسباي، قاراعاندى وبلىسى، 11 جاس
8. اقنيەت جانكەلدى، ۇلىتاۋ وبلىسى، 11 جاس
9. ىرىسگۇل قايراتبەك، ۇلىتاۋ وبلىسى، 12 جاس
10. سەزىم ساپاربەك، پاۆلودار وبلىسى، 12 جاس
11. كاۋسار بولات، ماڭعىستاۋ وبلىسى، 12 جاس
12. ءامينا اسعاتوۆا، ماڭعىستاۋ وبلىسى، 12 جاس
13. تۇمارحانىم يكلاسبەك، قىزىلوردا وبلىسى، 11 جاس
14. ايزات شانيار، قىزىلوردا وبلىسى، 12 جاس
15. ءدىلناز ەجيروۆا، اتىراۋ وبلىسى، 12 جاس
16. ادەل كەرەيەۆا، اتىراۋ وبلىسى، 9 جاس
17. نۇرشات قۇسانوۆا، اتىراۋ وبلىسى، 13 جاس
18. ەڭلىك بايزاح، تۇركىستان وبلىسى، 13 جاس
19. زەرە ءجۇنىسباي، تۇركىستان وبلىسى، 11 جاس
20. ينابات تويتەباي، جامبىل وبلىسى، 12 جاس
21. بالىم نىسانالى، اقتوبە وبلىسى، 11 جاس
22. شاحيسلام ءابدىعازيز، اقتوبە وبلىسى، 9 جاس
Dalanews.kz، قالا مەن دالا، DALA INSIDE - «جاس قانات - 2023» بايقاۋىنىڭ رەسمي اقپاراتتىق سەرىكتەسى! بىزدەن جاڭالىق كۇتىڭىزدەر!
