Kásiporyn damyǵan saiyn óziniń jabdyqtaryn únemi jańǵyrtyp otyrady. Bul – kolledjden kelgen jas mamandar úshin belgili bir qiyndyqtar týyndatady, atap aitsaq óndiriste qoldanylyp jatqan jabdyqtyń kolledjde bolmaýy.
Bul olqylyqtyń ornyn alý úshin «QR Tuńǵysh Prezidenti N.Á.Nazarbaevtyń 2019 jylǵy 23 qańtarda Jastar jylynyń ashylý saltanatynda berilgen tapsyrmasyn oryndaý aiasynda elimizde «Jas maman» jobasy júzege asyrylýda.
«Jas maman» jobasy elimizdiń 180 kolledjin modernizatsiialaýdy, iaǵni olardy zamanaýi jabdyqtar jiyntyǵymen jabdyqtaýdy kózdeidi, onyń ishinde halyqaralyq WorldSkills qozǵalysynyń standarttary da eskerilip otyr.
QR Úkimetiniń qaýlysyna sáikes «Jas maman» jobasyn júzege asyrý boiynsha operator bolyp «Talap» kommertsiialyq emes aktsionerlik qoǵamy bekitilgen.
«Talap» KEAQ-y operator retinde «Jas maman» jobasyna qatysatyn kolledjderdi konkýrstyq irikteý jumystaryn júzege asyrady.
Konkýrstyq irikteý jumystarynyń nátijesinde 2020 jyly «Jas maman» jobasyna elimizdiń ár aimaǵynan barlyǵy 80 kolledj iriktelip alyndy.
Osy kezekte jabdyqtardy alý rásimine qysqasha aityp ótsek, tizimge engen kolledjder zamanaýi jabdyqtardy alý úshin jumys berýshilermen kelise otyryp óz aimaǵynda básekege qabiletti mamandardy daiarlaý úshin qajetti jabdyqtardyń tizimin quraidy.
Atalǵan jabdyqtar quramynda kem degende 50%-y jumys berýshelerden jáne kásipkerlerden turatyn aimaqtyq komissiiada qarastyrylyp bekitiledi.
Ár aimaq jabdyqtar tizimin «Talap» KEAQ-y jiberedi. Biz operator retinde barlyq jabdyqtar tizimin «Atameken» UKP jáne salalyq jumys berýshilerdiń assotsiatsiiasyna kelisýge joldaimyz. Atalǵan mekemelerden kelisim alynǵannan keiin jabdyqtar tizimi respýblikalyq komissiia deńgeiinde qarastyrylyp, bekitiledi. Bekitilgen tizimge sáikes kolledjder belgilengen tártipte satyp alý jumystaryn júrgizedi.
2020 jyly elimizde 80 kolledj zamanaýi jabdyqtardy satyp aldy, atap aitsaq jeńil ónerkásip, aspaz, mashina jasaý, avtokólikterdi jóndeý, aýyl sharýashylyǵy, IT mamandyqtary boiynsha, sonymen qatar mehatronika sekildi jańa salaǵada jabdyqtar satyp alyndy.
Qazirgi kúni zamanaýi qondyrǵylarmen jabdyqtalǵan kolledjder óz bazalarynda quzyrettilik ortalyqtaryn ashý boiynsha jumystardy júrgizýde.
Ústimizdegi jylyda «Jas maman» jobasynyń sheńberinde jumystar jalǵasýda. Biyl 100 kolledjdi zamanaýi qondyrǵylarmen jabdyqtaý josparlanǵan.
«Jas maman» jobasynyń júzege asyrylýynyń arqasynda elimizdegi kolledjderdiń bazasyn jańǵyrýda, bul óz kezeginde kolledj bazasynda bilikti mamandardy daiarlaýdyń sapasynyń artýyna ákeledi. Kolledj túlekteriniń daiarlyq deńgeii sapasynyń artýy el ekonomikanyń ár salasyna bilikti mamandardyń kelýi dep aita alamyz. Árine ol nátijege búgin-erteń jetemiz dep aitýǵa bolmaidy, alaida «Jas maman» jobasynyń nátijesi aldaǵy bes alty jyl kóleminde kórinedi degen senim bar.
Nurdáýlet JANAIDAROV, «Talap» KEAQ-nyń Jobalar jáne áleýmettik seriktestik basqarmasynyń basshysy.
