"Bul qarajat 2019 jyly qalanyń 49 myń 500 gektar aýmaǵyna topografıalyq túsirilim jasaýǵa bólingen. Alaıda, Jeńis Baıymbetov memlekettik satyp alýdy júrgizý kezinde zań talaptaryn buzyp, lısenzıasy joq mekemeniń tenderde jeńimpaz bolýyna jol bergeni sotta dálelin taýypty. Al tenderde jeńimpaz dep tanylǵan Aqjol Aıtbaevtyń seriktestiginde múldem mamany da, topografıalyq túsirilim jasaýǵa qurylǵylary da bolmaǵany sotta aıtyldy", delingen Astanatv.kz saıtynda.
- Ol bógde adamdardy jumysqa tarta otyryp, qyrýar qarjyny qolma qol aqshaǵa aınaldyrýmen aınalysqan. Saldarynan mańyzdy is bitpegen,- dedi isti qaraǵan sýdıa
Madıar Abdrasılov. Madıar ABDRASILOV, SHYMKENT q. ÁL-FARABI AÝDANDYQ SOTYNYŃ SÝDIASY:
- Nátıjesinde memleketpen osy jumystardy atqarýǵa bólingen 498 mln teńgeniń bylaısha aıtqan kezde túbi joq. Atqarylǵan jumystardyń aldaǵy ýaqytta mynaý qala qurylysyndaǵy basqa da jerlerde eshqandaı jaramdylyq qasıeti joq. Sebebi jaramsyz.
Aıta ketsek, Baıymbetov byltyr jazda sybaılas- jemqorlyqqa qarsy qyzmet ókilderimen qamaýǵa alynǵan. Sotta sondaı-aq, eks-sheneýniktiń jymqyrǵan qarajatyn zańdastyrý úshin qaladan satyp alǵan jerin týǵan ápkesiniń atyna rásimdep, ol jerge komersıalyq nysan turǵyzǵany belgili boldy. Naryqtaǵy quny 130 mln teńge shamasynda turatyn ǵımarat tárkilenip alyndy.
Bul iste ymyralasa jumys istegen Aıtbaev ta búgin sottaldy. Sýdıa oǵan 8 jylǵa bas bostandyǵynan aıyrý jazasyn kesti. Dese de, sottalǵandar úkimmen kelispeıtin sıaqty. Qorǵaýshylary appelásıalyq shaǵym túsiretinderin málimdedi.
