"بۇل قاراجات 2019 جىلى قالانىڭ 49 مىڭ 500 گەكتار اۋماعىنا توپوگرافيالىق ءتۇسىرىلىم جاساۋعا بولىنگەن. الايدا، جەڭىس بايىمبەتوۆ مەملەكەتتىك ساتىپ الۋدى جۇرگىزۋ كەزىندە زاڭ تالاپتارىن بۇزىپ، ليسەنزياسى جوق مەكەمەنىڭ تەندەردە جەڭىمپاز بولۋىنا جول بەرگەنى سوتتا دالەلىن تاۋىپتى. ال تەندەردە جەڭىمپاز دەپ تانىلعان اقجول ايتبايەۆتىڭ سەرىكتەستىگىندە مۇلدەم مامانى دا، توپوگرافيالىق ءتۇسىرىلىم جاساۋعا قۇرىلعىلارى دا بولماعانى سوتتا ايتىلدى"، دەلىنگەن اstanatv.kz سايتىندا.
- ول بوگدە ادامداردى جۇمىسقا تارتا وتىرىپ، قىرۋار قارجىنى قولما قول اقشاعا اينالدىرۋمەن اينالىسقان. سالدارىنان ماڭىزدى ءىس بىتپەگەن،- دەدى ءىستى قاراعان سۋديا
ماديار ابدراسيلوۆ. ماديار ابدراسيلوۆ، شىمكەنت ق. ءال-فارابي اۋداندىق سوتىنىڭ سۋدياسى:
- ناتيجەسىندە مەملەكەتپەن وسى جۇمىستاردى اتقارۋعا بولىنگەن 498 ملن تەڭگەنىڭ بىلايشا ايتقان كەزدە ءتۇبى جوق. اتقارىلعان جۇمىستاردىڭ الداعى ۋاقىتتا مىناۋ قالا قۇرىلىسىنداعى باسقا دا جەرلەردە ەشقانداي جارامدىلىق قاسيەتى جوق. سەبەبى جارامسىز.
ايتا كەتسەك، بايىمبەتوۆ بىلتىر جازدا سىبايلاس- جەمقورلىققا قارسى قىزمەت وكىلدەرىمەن قاماۋعا الىنعان. سوتتا سونداي-اق، ەكس-شەنەۋنىكتىڭ جىمقىرعان قاراجاتىن زاڭداستىرۋ ءۇشىن قالادان ساتىپ العان جەرىن تۋعان اپكەسىنىڭ اتىنا راسىمدەپ، ول جەرگە كوممەرسيالىق نىسان تۇرعىزعانى بەلگىلى بولدى. نارىقتاعى قۇنى 130 ملن تەڭگە شاماسىندا تۇراتىن عيمارات تاركىلەنىپ الىندى.
بۇل ىستە ىمىرالاسا جۇمىس ىستەگەن ايتبايەۆ تا بۇگىن سوتتالدى. سۋديا وعان 8 جىلعا باس بوستاندىعىنان ايىرۋ جازاسىن كەستى. دەسە دە، سوتتالعاندار ۇكىممەن كەلىسپەيتىن سياقتى. قورعاۋشىلارى اپپەلياسيالىق شاعىم تۇسىرەتىندەرىن مالىمدەدى.
