"Jarqyn kúz" naýqany turǵyndar men týristerdi biriktirdi. Aiýsai shatqalynda Almaty jáne Almaty Tourism Bureau týrizm basqarmasy uiymdastyrǵan tabiǵi obekt pen vizit-ortalyqtyń aýmaǵyn jinaý boiynsha is-shara ótti, dep habarlaidy Dalanews.kz.
Bei-jai qaramaityn qala turǵyndary Aiýsai ózeniniń soqpaǵy men jaǵasyndaǵy tazalyqtardy plastikalyq bótelkelerden, qaptamalardan jáne basqa da qaldyqtardan tazartty. Nátijesinde demalýshylar qaldyrǵan 300 kg-ǵa jýyq qoqys jinaldy.
"Bul jai ǵana tazalaý emes, bolashaqqa jasalǵan qadam. Biz nemqurailylyǵymyzben tabiǵatqa keltiretin ziiandy elemeýge bolmaidy. Búgingi is - shara bárimizdiń qalamyzdyń tazalyǵymen biregei tabiǵatyn saqtaýǵa óz úlesimizdi qosaalatynymyzdy kórsetti", - dep atap ótti aktsiiaǵa qatysýshy, Qazaq National Parks kompaniiasynyń ókili Tilek Ádiljanov.
Jyl basynan beri Aiýsai shatqalyna 400 myńǵa jýyq týrist keldi, onyń ishinde 200 myńǵa jýyǵy keńes alý úshin "Aiýsai" vizit ortalyǵyna júgindi.
Esterińizge sala keteiik, Almatyda "Taza Qazaqstan" jalpyrespýblikalyq baǵdarlamasy jáne "Almaty – bizdiń ortaq úiimiz" qalalyq naýqany aiasynda "Jarqyn kúz" aktsiiasy ótip jatyr. Aktsiia ekologiialyq jaýapkershilikti arttyrýǵa jáne qalanyń tazalyǵyn saqtaý máselelerine jurtshylyqtyń nazaryn aýdarýǵa baǵyttalǵan.
"Almaty Business DevelopmentCompany" Almaty qalasynyń biznesti damytý kompaniiasy" JShS Almaty qalasynda investitsiialar tartý jáne investorlardy súiemeldeý salasyndaǵy óńirlik uiym. Qoldanystaǵy zańnamaǵa sáikes Kompaniia "bir tereze" qaǵidaty boiynsha Almaty qalasynda investitsiialar tartý jáne investorlardy súiemeldeý salasyndaǵy qyzmetti júzege asyrady. Kompaniia qala ekonomikasynyń basym salalaryna investitsiialar tartady, qarjylandyrýdyń memlekettik jáne óńirlik baǵdarlamalary boiynsha konsýltatsiialar beredi, sondai-aq investitsiialyq jobalardy keshendi súiemeldeýdi júzege asyrady.
