"جارقىن كۇز" ناۋقانى تۇرعىندار مەن تۋريستەردى بىرىكتىردى. ايۋساي شاتقالىندا الماتى جانە Almaty Tourism Bureau تۋريزم باسقارماسى ۇيىمداستىرعان تابيعي وبەكت پەن ۆيزيت-ورتالىقتىڭ اۋماعىن جيناۋ بويىنشا ءىس-شارا ءوتتى، دەپ حابارلايدى Dalanews.kz.
بەي-جاي قارامايتىن قالا تۇرعىندارى ايۋساي وزەنىنىڭ سوقپاعى مەن جاعاسىنداعى تازالىقتاردى پلاستيكالىق بوتەلكەلەردەن، قاپتامالاردان جانە باسقا دا قالدىقتاردان تازارتتى. ناتيجەسىندە دەمالۋشىلار قالدىرعان 300 كگ-عا جۋىق قوقىس جينالدى.
"بۇل جاي عانا تازالاۋ ەمەس، بولاشاققا جاسالعان قادام. ءبىز نەمقۇرايلىلىعىمىزبەن تابيعاتقا كەلتىرەتىن زياندى ەلەمەۋگە بولمايدى. بۇگىنگى ءىس - شارا ءبارىمىزدىڭ قالامىزدىڭ تازالىعىمەن بىرەگەي تابيعاتىن ساقتاۋعا ءوز ۇلەسىمىزدى قوساالاتىنىمىزدى كورسەتتى"، - دەپ اتاپ ءوتتى اكسياعا قاتىسۋشى، Qazaq National Parks كومپانياسىنىڭ وكىلى تىلەك ءادىلجانوۆ.
جىل باسىنان بەرى ايۋساي شاتقالىنا 400 مىڭعا جۋىق تۋريست كەلدى، ونىڭ ىشىندە 200 مىڭعا جۋىعى كەڭەس الۋ ءۇشىن "ايۋساي" ۆيزيت ورتالىعىنا جۇگىندى.
ەستەرىڭىزگە سالا كەتەيىك، الماتىدا "تازا قازاقستان" جالپىرەسپۋبليكالىق باعدارلاماسى جانە "الماتى – ءبىزدىڭ ورتاق ءۇيىمىز" قالالىق ناۋقانى اياسىندا "جارقىن كۇز" اكسياسى ءوتىپ جاتىر. اكسيا ەكولوگيالىق جاۋاپكەرشىلىكتى ارتتىرۋعا جانە قالانىڭ تازالىعىن ساقتاۋ ماسەلەلەرىنە جۇرتشىلىقتىڭ نازارىن اۋدارۋعا باعىتتالعان.
"Almaty Business DevelopmentCompany" الماتى قالاسىنىڭ بيزنەستى دامىتۋ كومپانياسى" ج ش س الماتى قالاسىندا ينۆەستيسيالار تارتۋ جانە ينۆەستورلاردى سۇيەمەلدەۋ سالاسىنداعى وڭىرلىك ۇيىم. قولدانىستاعى زاڭناماعا سايكەس كومپانيا "ءبىر تەرەزە" قاعيداتى بويىنشا الماتى قالاسىندا ينۆەستيسيالار تارتۋ جانە ينۆەستورلاردى سۇيەمەلدەۋ سالاسىنداعى قىزمەتتى جۇزەگە اسىرادى. كومپانيا قالا ەكونوميكاسىنىڭ باسىم سالالارىنا ينۆەستيسيالار تارتادى، قارجىلاندىرۋدىڭ مەملەكەتتىك جانە وڭىرلىك باعدارلامالارى بويىنشا كونسۋلتاسيالار بەرەدى، سونداي-اق ينۆەستيسيالىق جوبالاردى كەشەندى سۇيەمەلدەۋدى جۇزەگە اسىرادى.
