Abaı oblysyna qarasty Jarqyn aýylynyń turǵyndary óńir basshysy Nurlan Uranhaevpen kezdesýde aýylishilik joldar men qoǵamdyq kólikterdiń sanyn kóbeıtýge qatysty saýaldaryn qoıdy. Aldaǵy qys mezgilinde joldardy qardan tazalaý máselesin de kóterdi, – dep habarlaıdy Dalanews.kz Abaı oblysy ákiminiń baspasóz qyzmetine silteme jasap.

Budan bólek, azamattar sý júıesiniń eskirgenin jetkizdi. Aýyl turǵyndary úzdiksiz sýmen qamtamasyz etý úshin ınfraqurylymdy jańǵyrtý qajettigin aıtty.

Sondaı-aq, aýyl jastarynyń sporttyq áleýetin arttyrýǵa septigin tıgizetin sport ǵımaratyn salý bastamasyn usyndy.

– Men osynda qala ákimimen birge sizderdiń usynystaryńyzdy tyńdap, máselelerińizdi qaraý úshin arnaıy keldim. Osy kezdesýde kóterilgen máselelerdiń barlyǵy eskerilip, josparymyzǵa saı sheshiletin bolady. Jarqyn aýylyn damytý mańyzdy máselelerdiń biri jáne ol Semeı qalasyn damytýdyń bas josparyna engizilgen, – dedi Nurlan Uranhaev.

Búginde Jarqyn aýylynda 700-ge jýyq adam turady. 2023 jyly 8,3 shaqyrym joldy jóndeý jumystary aıaqtalyp, jol belgileri ornatylyp, balalar jáne sport alańdary ashylǵan bolatyn.