بۇدان بولەك، ازاماتتار سۋ جۇيەسىنىڭ ەسكىرگەنىن جەتكىزدى. اۋىل تۇرعىندارى ۇزدىكسىز سۋمەن قامتاماسىز ەتۋ ءۇشىن ينفراقۇرىلىمدى جاڭعىرتۋ قاجەتتىگىن ايتتى.
سونداي-اق، اۋىل جاستارىنىڭ سپورتتىق الەۋەتىن ارتتىرۋعا سەپتىگىن تيگىزەتىن سپورت عيماراتىن سالۋ باستاماسىن ۇسىندى.
– مەن وسىندا قالا اكىمىمەن بىرگە سىزدەردىڭ ۇسىنىستارىڭىزدى تىڭداپ، ماسەلەلەرىڭىزدى قاراۋ ءۇشىن ارنايى كەلدىم. وسى كەزدەسۋدە كوتەرىلگەن ماسەلەلەردىڭ بارلىعى ەسكەرىلىپ، جوسپارىمىزعا ساي شەشىلەتىن بولادى. جارقىن اۋىلىن دامىتۋ ماڭىزدى ماسەلەلەردىڭ ءبىرى جانە ول سەمەي قالاسىن دامىتۋدىڭ باس جوسپارىنا ەنگىزىلگەن، – دەدى نۇرلان ۇرانحايەۆ.
بۇگىندە جارقىن اۋىلىندا 700-گە جۋىق ادام تۇرادى. 2023 جىلى 8،3 شاقىرىم جولدى جوندەۋ جۇمىستارى اياقتالىپ، جول بەلگىلەرى ورناتىلىپ، بالالار جانە سپورت الاڭدارى اشىلعان بولاتىن.
