Dál qazir Almaty oblysynda 14-29 jas aralyǵyndaǵy jastardyń sany 408 adam. Jalpy, el kóleminde jastar qaýymy eń jii shoǵyrlanǵan óńir – Jetisý.
Demek, bul óńirde jastardy jumyspen qamtý kókeikesti máselelerdiń biri.
Naqtylap aitsaq, Jetisýdaǵy 408 myńnan asa jas azamattyń 88 myńy qalalyq jerlerde, al 319 myńnan astam jas aýylda turady eken.
Tiisinshe, olardy jumyspen qamtý máselesi árdaiym kún tártibinde turatyn taqyryptyń biri.
Al bul baǵytta ne istelip jatyr? Jetisýlyq jastar eki qolǵa bir kúrek tappai sendelip júrgen joq pa?
Olardyń talaby men talǵamy, bilimi men biligine sai jumys oryndary bar ma? Olar tájiribesi joq jastardy jumysqa alýǵa qanshalyqty yntaly?
Jomart Qaratasovtyń aitýynsha, jumyssyz jastarǵa jumys taýyp berý maqsatynda basqarmanyń uiytqy bolýymen jármeńkeler úzbei ótkizilip keledi.
«Biylǵy jyldyń alǵashqy 6 aiynda jastardy jumyspen qamtýǵa jol ashatyn 21 bos jumys oryndarynyń jármeńkesin ótkizdik.
Onyń ústine, biyl «Jastar jyly» bolyp jariialandy. Demek, jastar máselesin sheshýge qomaqty qarjy bólinedi. Jalpy, jyl basynan elimizdegi jastar saiasatyn saýatty iske asyrý úshin 550 mln teńge qarjy bólindi, áli de bólinedi. Bul qarjynyń aitarlyqtai bóligi jastardy jumysqa ornalastyrýǵa baǵyttalyp jatqan jaiy bar, – deidi ol.
Jármeńkeniń nátijesi bar ma?
Jaraidy delik, jármeńkeler ótkizilip jatyr. Sol jármeńkelerden nátije bar ma? Sonyń negizinde jumysqa ornalasqan jastardyń sany qansha?
Almaty oblystyq jastar saiasaty jónindegi basqarmasynyń dereginshe, jármeńkeler ánsheiin esep berý maqsatynda ótkizilmeidi.
Biylǵy jyldyń 6 aiynda álgindei jármeńkelerge 3 myńnan asa jastar arnaiy kelip, óz usynystaryn qaldyrǵan. Sonyń nátijesin jumyssyz júrgen 703 jas azamatqa joldama berilip, 301 adam jumysqa ornalasqan.
«Jármeńkege qatysqanmen, jumysqa ornalasa almaǵan jastardy sanattan shyǵaryp tastamaimyz. Olar árdaiym bizdiń qaperimizde júredi. Osy maqsatty jyl basynda jumyssyz jastardy tirkeitin arnaiy baza ázirledik. Osy kúnge deiin bazaǵa 253 jas tirkelip, 112 jas jumysqa ornalasypty, onyń ishinde 52 jas jastar tájiribesi arqyly jumys tapqan», – deidi bul oraida oblystyq jastar saiasaty jónindegi basqarmasynyń basshysy.
Basqarma deregine qaraǵanda, óńirde «Diplommen aýylǵa» baǵdarlamasyn júzege asyrý jumystary da bir izge túsken.
Buǵan dálel, biylǵy jyldyń alǵashqy jartyjyldyǵynda barlyǵy 694 mamanǵa 244 238,7 myń teńge kóterme járdemaqy jáne 409 jasqa 1 528 558,2 myń teńge nesie berilgen.
Bul óz kezeginde óńirdiń aýdan-aýyldaryna qyzmet etýge kelgen jas mamandardyń úi máselesiniń sheshilýine oń yqpal etip otyr.
«Qoǵamnyń belsendi múshesi ári qozǵaýshy kúshi bolyp otyrǵan jastardyń áleýmettik-ekonomikalyq, qoǵamdyq-saiasi baǵyttaǵy máselelerin ýaqytyly sheshý arqyly biz jalpy memlekettiń damýyna igi áser ete alamyz», – deidi Jomart Qaratasov.
