دەل قازٸر الماتى وبلىسىندا 14-29 جاس ارالىعىنداعى جاستاردىڭ سانى 408 ادام. جالپى, ەل كٶلەمٸندە جاستار قاۋىمى ەڭ جيٸ شوعىرلانعان ٶڭٸر – جەتٸسۋ.
دەمەك, بۇل ٶڭٸردە جاستاردى جۇمىسپەن قامتۋ كٶكەيكەستٸ مەسەلەلەردٸڭ بٸرٸ.
ناقتىلاپ ايتساق, جەتٸسۋداعى 408 مىڭنان اسا جاس ازاماتتىڭ 88 مىڭى قالالىق جەرلەردە, ال 319 مىڭنان استام جاس اۋىلدا تۇرادى ەكەن.
تيٸسٸنشە, ولاردى جۇمىسپەن قامتۋ مەسەلەسٸ ەردايىم كٷن تەرتٸبٸندە تۇراتىن تاقىرىپتىڭ بٸرٸ.
ال بۇل باعىتتا نە ٸستەلٸپ جاتىر? جەتٸسۋلىق جاستار ەكٸ قولعا بٸر كٷرەك تاپپاي سەندەلٸپ جٷرگەن جوق پا?
ولاردىڭ تالابى مەن تالعامى, بٸلٸمٸ مەن بٸلٸگٸنە ساي جۇمىس ورىندارى بار ما? ولار تەجٸريبەسٸ جوق جاستاردى جۇمىسقا الۋعا قانشالىقتى ىنتالى?
جومارت قاراتاسوۆتىڭ ايتۋىنشا, جۇمىسسىز جاستارعا جۇمىس تاۋىپ بەرۋ ماقساتىندا باسقارمانىڭ ۇيىتقى بولۋىمەن جەرمەڭكەلەر ٷزبەي ٶتكٸزٸلٸپ كەلەدٸ.
«بيىلعى جىلدىڭ العاشقى 6 ايىندا جاستاردى جۇمىسپەن قامتۋعا جول اشاتىن 21 بوس جۇمىس ورىندارىنىڭ جەرمەڭكەسٸن ٶتكٸزدٸك.
ونىڭ ٷستٸنە, بيىل «جاستار جىلى» بولىپ جارييالاندى. دەمەك, جاستار مەسەلەسٸن شەشۋگە قوماقتى قارجى بٶلٸنەدٸ. جالپى, جىل باسىنان ەلٸمٸزدەگٸ جاستار ساياساتىن ساۋاتتى ٸسكە اسىرۋ ٷشٸن 550 ملن تەڭگە قارجى بٶلٸندٸ, ەلٸ دە بٶلٸنەدٸ. بۇل قارجىنىڭ ايتارلىقتاي بٶلٸگٸ جاستاردى جۇمىسقا ورنالاستىرۋعا باعىتتالىپ جاتقان جايى بار, – دەيدٸ ول.
جەرمەڭكەنٸڭ نەتيجەسٸ بار ما?
جارايدى دەلٸك, جەرمەڭكەلەر ٶتكٸزٸلٸپ جاتىر. سول جەرمەڭكەلەردەن نەتيجە بار ما? سونىڭ نەگٸزٸندە جۇمىسقا ورنالاسقان جاستاردىڭ سانى قانشا?
الماتى وبلىستىق جاستار ساياساتى جٶنٸندەگٸ باسقارماسىنىڭ دەرەگٸنشە, جەرمەڭكەلەر ەنشەيٸن ەسەپ بەرۋ ماقساتىندا ٶتكٸزٸلمەيدٸ.
بيىلعى جىلدىڭ 6 ايىندا ەلگٸندەي جەرمەڭكەلەرگە 3 مىڭنان اسا جاستار ارنايى كەلٸپ, ٶز ۇسىنىستارىن قالدىرعان. سونىڭ نەتيجەسٸن جۇمىسسىز جٷرگەن 703 جاس ازاماتقا جولداما بەرٸلٸپ, 301 ادام جۇمىسقا ورنالاسقان.
«جەرمەڭكەگە قاتىسقانمەن, جۇمىسقا ورنالاسا الماعان جاستاردى ساناتتان شىعارىپ تاستامايمىز. ولار ەردايىم بٸزدٸڭ قاپەرٸمٸزدە جٷرەدٸ. وسى ماقساتتى جىل باسىندا جۇمىسسىز جاستاردى تٸركەيتٸن ارنايى بازا ەزٸرلەدٸك. وسى كٷنگە دەيٸن بازاعا 253 جاس تٸركەلٸپ, 112 جاس جۇمىسقا ورنالاسىپتى, ونىڭ ٸشٸندە 52 جاس جاستار تەجٸريبەسٸ ارقىلى جۇمىس تاپقان», – دەيدٸ بۇل ورايدا وبلىستىق جاستار ساياساتى جٶنٸندەگٸ باسقارماسىنىڭ باسشىسى.
باسقارما دەرەگٸنە قاراعاندا, ٶڭٸردە «ديپلوممەن اۋىلعا» باعدارلاماسىن جٷزەگە اسىرۋ جۇمىستارى دا بٸر ٸزگە تٷسكەن.
بۇعان دەلەل, بيىلعى جىلدىڭ العاشقى جارتىجىلدىعىندا بارلىعى 694 مامانعا 244 238,7 مىڭ تەڭگە كٶتەرمە جەردەماقى جەنە 409 جاسقا 1 528 558,2 مىڭ تەڭگە نەسيە بەرٸلگەن.
بۇل ٶز كەزەگٸندە ٶڭٸردٸڭ اۋدان-اۋىلدارىنا قىزمەت ەتۋگە كەلگەن جاس مامانداردىڭ ٷي مەسەلەسٸنٸڭ شەشٸلۋٸنە وڭ ىقپال ەتٸپ وتىر.
«قوعامنىڭ بەلسەندٸ مٷشەسٸ ەرٸ قوزعاۋشى كٷشٸ بولىپ وتىرعان جاستاردىڭ ەلەۋمەتتٸك-ەكونوميكالىق, قوعامدىق-ساياسي باعىتتاعى مەسەلەلەرٸن ۋاقىتىلى شەشۋ ارقىلى بٸز جالپى مەملەكەتتٸڭ دامۋىنا يگٸ ەسەر ەتە الامىز», – دەيدٸ جومارت قاراتاسوۆ.
