Jaqyn bolashaqta Túlkibasqa jylyna 20 myń týrist keletin bolady
2025 jylǵa deiin jyl saiynǵy týrister sanyn 20 myńnan asyrý josparlanýda. Bul maqsatta birneshe jobalar júzege asatyn bolady. Áýelgisi, jalpy quny 347 million teńgeni quraityn «Jailaý» emdeý-saýyqtyrý ortalyǵy salynbaq. Syiymdylyǵy 100 oryndyq ortalyqta 50 jumys orny ashylyp, osy nysan arqyly 2000 týrist qamtylmaq.
Sondai-aq, «Saýmalmen emdeý ortalyǵyn» ashý josparda bar.
Úshinshi týristik joba – Aqsý ózeni shatqalynda tabiǵatty tamashalaý alańy qurylady. Bul Iirsý eldi mekenine 8 shaqyrym jerde teńiz deńgeiinen 1500 metr biiktikte ornalasqan jer.
Jobalardy 2019 jyly iske qosý josparlanyp otyr. Budan bólek Batys Qytai-Batys Eýropa jol dáliziniń boiynda arnaiy servistik ortalyqtardy qurý kózdelip otyr. Bul da ólkeniń týristik áleýetin arttyra túsetin joba bolyp tabylady.
Aldaǵy ýaqytta kórkine kórik qosar, toǵyz joldyń torabynda oryn tepken, infraqurylymy damyǵan, elimizdiń túkpir-túkpirinen saiahattap, demalýǵa keletin eń tańdaýly tartymdy aimaq bolatyny senim zor.
Jer jánnaty atalyp ketken Túlkibas mekeni, irgesinde aty ańyzǵa ainalǵan Aqsý-Jabaǵyly qoryǵy, tarihi sanada jańǵyryp jatqan qasietti de kieli oryndardyń kóptigi, júzdegen ózen-bastaýlardyń basy bolǵan Túlkibas keleshekte budan da biik tuǵyrdan kórinip, alǵa qadam basatyn múmkindigi zor.
Dalanews.kz
