جاقىن بولاشاقتا تٷلكٸباسقا جىلىنا 20 مىڭ تۋريست كەلەتٸن بولادى
2025 جىلعا دەيٸن جىل سايىنعى تۋريستەر سانىن 20 مىڭنان اسىرۋ جوسپارلانۋدا. بۇل ماقساتتا بٸرنەشە جوبالار جٷزەگە اساتىن بولادى. ەۋەلگٸسٸ, جالپى قۇنى 347 ميلليون تەڭگەنٸ قۇرايتىن «جايلاۋ» ەمدەۋ-ساۋىقتىرۋ ورتالىعى سالىنباق. سىيىمدىلىعى 100 ورىندىق ورتالىقتا 50 جۇمىس ورنى اشىلىپ, وسى نىسان ارقىلى 2000 تۋريست قامتىلماق.
سونداي-اق, «ساۋمالمەن ەمدەۋ ورتالىعىن» اشۋ جوسپاردا بار.
ٷشٸنشٸ تۋريستٸك جوبا – اقسۋ ٶزەنٸ شاتقالىندا تابيعاتتى تاماشالاۋ الاڭى قۇرىلادى. بۇل يٸرسۋ ەلدٸ مەكەنٸنە 8 شاقىرىم جەردە تەڭٸز دەڭگەيٸنەن 1500 مەتر بيٸكتٸكتە ورنالاسقان جەر.
جوبالاردى 2019 جىلى ٸسكە قوسۋ جوسپارلانىپ وتىر. بۇدان بٶلەك باتىس قىتاي-باتىس ەۋروپا جول دەلٸزٸنٸڭ بويىندا ارنايى سەرۆيستٸك ورتالىقتاردى قۇرۋ كٶزدەلٸپ وتىر. بۇل دا ٶلكەنٸڭ تۋريستٸك ەلەۋەتٸن ارتتىرا تٷسەتٸن جوبا بولىپ تابىلادى.
الداعى ۋاقىتتا كٶركٸنە كٶرٸك قوسار, توعىز جولدىڭ تورابىندا ورىن تەپكەن, ينفراقۇرىلىمى دامىعان, ەلٸمٸزدٸڭ تٷكپٸر-تٷكپٸرٸنەن ساياحاتتاپ, دەمالۋعا كەلەتٸن ەڭ تاڭداۋلى تارتىمدى ايماق بولاتىنى سەنٸم زور.
جەر جەنناتى اتالىپ كەتكەن تٷلكٸباس مەكەنٸ, ٸرگەسٸندە اتى اڭىزعا اينالعان اقسۋ-جاباعىلى قورىعى, تاريحي سانادا جاڭعىرىپ جاتقان قاسيەتتٸ دە كيەلٸ ورىنداردىڭ كٶپتٸگٸ, جٷزدەگەن ٶزەن-باستاۋلاردىڭ باسى بولعان تٷلكٸباس كەلەشەكتە بۇدان دا بيٸك تۇعىردان كٶرٸنٸپ, العا قادام باساتىن مٷمكٸندٸگٸ زور.
Dalanews.kz
