Qazaqstan Prezidenti Qasym-Jomart Toqaev Qyrǵyz Respýblikasynyń Prezidenti Sadyr Japarovpen telefon arqyly sóilesti, dep habarlaidy Dala News.
Aqordanyń málimetinshe, áńgime barysynda Sadyr Japarov Qasym-Jomart Toqaevty Qazaqstanda ótken jalpyhalyqtyq referendýmnyń tabysty ótýimen quttyqtady. Onyń aitýynsha, daýys berý nátijesi qazaqstandyqtardyń memleket basshysy júrgizip otyrǵan saiasi jáne áleýmettik-ekonomikalyq jańǵyrý baǵytyn qoldaitynyn kórsetti.
Óz kezeginde Qasym-Jomart Toqaev jyly lebiz bildirgeni jáne Qyrǵyzstannan referendýmǵa baiqaýshylar jiberilgeni úshin alǵys aitty. Prezident konstitýtsiialyq reformalar memlekettik basqarýdyń tiimdiligin arttyrýǵa jáne halyqtyń ál-aýqatyn jaqsartýǵa baǵyttalǵanyn atap ótti.
Taraptar qazaq-qyrǵyz qatynastarynyń bolashaǵyn talqylap, eki el arasyndaǵy strategiialyq seriktestik pen odaqtastyqty nyǵaitýǵa daiyn ekenin rastady.
Sonymen qatar prezidentter óńirlik jáne halyqaralyq kún tártibindegi ózekti máseleler boiynsha pikir almasyp, aldaǵy kezdesýlerdiń kestesin talqylady.
