قازاقستان پرەزيدەنتى قاسىم-جومارت توقايەۆ قىرعىز رەسپۋبليكاسىنىڭ پرەزيدەنتى سادىر جاپاروۆپەن تەلەفون ارقىلى سويلەستى، دەپ حابارلايدى Dala News.
اقوردانىڭ مالىمەتىنشە، اڭگىمە بارىسىندا سادىر جاپاروۆ قاسىم-جومارت توقايەۆتى قازاقستاندا وتكەن جالپىحالىقتىق رەفەرەندۋمنىڭ تابىستى وتۋىمەن قۇتتىقتادى. ونىڭ ايتۋىنشا، داۋىس بەرۋ ناتيجەسى قازاقستاندىقتاردىڭ مەملەكەت باسشىسى جۇرگىزىپ وتىرعان ساياسي جانە الەۋمەتتىك-ەكونوميكالىق جاڭعىرۋ باعىتىن قولدايتىنىن كورسەتتى.
ءوز كەزەگىندە قاسىم-جومارت توقايەۆ جىلى لەبىز بىلدىرگەنى جانە قىرعىزستاننان رەفەرەندۋمعا بايقاۋشىلار جىبەرىلگەنى ءۇشىن العىس ايتتى. پرەزيدەنت كونستيتۋسيالىق رەفورمالار مەملەكەتتىك باسقارۋدىڭ تيىمدىلىگىن ارتتىرۋعا جانە حالىقتىڭ ءال-اۋقاتىن جاقسارتۋعا باعىتتالعانىن اتاپ ءوتتى.
تاراپتار قازاق-قىرعىز قاتىناستارىنىڭ بولاشاعىن تالقىلاپ، ەكى ەل اراسىنداعى ستراتەگيالىق سەرىكتەستىك پەن وداقتاستىقتى نىعايتۋعا دايىن ەكەنىن راستادى.
سونىمەن قاتار پرەزيدەنتتەر وڭىرلىك جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماسىپ، الداعى كەزدەسۋلەردىڭ كەستەسىن تالقىلادى.
