Qyrǵyzstan prezidenti Sadyr Japarov Qyrǵyzstan MUQK-niń burynǵy tóraǵasy Qamshybek Tashievtiń qyzmetten ketýine taǵy da túsinikteme berdi. Prezidenttiń aitýynsha, olar dostyq qarym-qatynasty saqtap qalǵanymen, Qamshybek Tashiev memlekettik qyzmetke qaita oralmaidy, dep habarlaidy Dalanews.kz.
Jeke kezdesý
Sadyr Japarovtyń sózinshe, Qamshybek Tashiev qyzmetinen ketkennen keiin ekeýara jeke kezdesý ótken.
"Dos bolyp qala beremiz. Biraq ol memlekettik qyzmetke qaita oralmaidy. Oǵan demalyp, densaýlyǵymen ainalysý qajet", - dedi Qyrǵyzstan prezidenti.
Sonymen qatar, Sadyr Japarov kadrlyq sheshimderdi ózi qabyldaǵanyn jáne olardyń qandai da bir kelisimdermen, syrtqy qysymmen bailanysty emes ekenin jetkizdi.
Qyrǵyzstanda kadrlyq ózgeris júrip jatyr
Qyrǵyzstanda kadrlyq aýys-túiis jalǵasyp jatyr. Ábsattar Syrǵabaev kólik jáne kommýnikatsiialar ministri qyzmetinen bosatyldy.
Jergilikti buqaralyq aqparat quraldary ony Qamshybek Tashievtiń "ókil balasy" dep atap júr.
Aita keteiik, 10 aqpanda Qyrǵyzstannyń Ministrler kabineti tóraǵasynyń orynbasary – Memlekettik ulttyq qaýipsizdik komitetiniń tóraǵasy Qamshybek Táshiev qyzmetinen bosatyldy.
