Osyndai usynysty ortaǵa salǵan Memlekettik dýma spikeri Vichislav Volodin, bul ideiany zań júzinde bekitýge asyǵyp otyr dep habarlaidy Dalanews.kz.
Volodinniń búi deýine Qyrǵyzstandaǵy birqatar oqiǵalar sebep bolǵan. Osynyń aldynda álemjelide klienttiń kassadaǵy qyzmetkerdi urǵan videosy taraǵan.
Oqiǵa 2 tamyzda Bishkektegi saýda jáne oiyn-saýyq ortalyqtarynyń birinde bolǵan. Belgili bolǵandai, klient oiynhana qyzmetkerleriniń birine tiisken.
"Ol sórege jaqyndap, kassir qyzǵa júgingen kezde, ol oǵan orys tilinde qyzmet kórsetken. Ol onymen tek qyrǵyz tilinde sóilesýdi agressivti túrde talap etti", – degen bolatyn oiynhana basshylyǵy.
Buǵan Reseidiń Qyrǵyzstandaǵy dipókildigi birden ún qatyp, qyzǵa qol jumsaǵan azamattyń áreketin aiyptaǵan.
Kremldiń propaganda quraldary Qyrǵyzstandaǵy orys tiliniń resmi mártebege ie ekenin eske salyp, Orta Aziia elderinde orys tilimen bailanysty konfliktilerdiń tym-tym jiilep ketkenin jarysa jazǵan.
Bishkektegi Resei elshiligi klientpen oryssha sóilegen qyzǵa arasha túsip, osynaý oqiǵaǵa qatysty derbes tergeý júrgizbek.
"Biz buzaqynyń sazaiyn beremiz. Qyrǵyzstandaǵy ultshyldyq pen orystildi aýditoriiaǵa baǵyttalǵan agressiia eldegi turaqtylyq pen tatýlyqqa syna qaǵady. Biz qyrǵyz biliginiń jaǵdaidy ádil baǵalaryna senimdimiz", – deidi elshilik ókilderi.
Al Vichislav Volodin bul oqiǵa orystildi aýditoriiaǵa qoqan-loqy kórsetken alǵashqy jaǵdai emesin eske salýda.
"Jazdyń ortasynda Ystyqkólge shomylýǵa barǵan dziýdoshy balalardyń arasynda 9 jasar Vania da boldy. Ol osy toptaǵy jalǵyz orys edi. Úiine oralǵanda ata-anasy onyń denesinen soqqynyń, tepkiniń izderin kórdi. Lagerdegi balalar aralaryndaǵy jalǵyz tal orysqa tiisken, ortadan oqshaýlaǵan...", – deidi ol.
Onyń paiymdaýynsha uryp-soǵý men mazaq etýdiń negizgi sebebi – ekeýiniń de orys tilinde sóileýi bolǵan.
"Biz buǵan kóz juma qarasaq, erteń budan da soraqy jaǵdaiǵa kýá bolamyz. Depýtattar dereý shara qoldanýy kerek. Orystildi aýditoriiaǵa qarsy osyndai ospadar áreketke barǵandardy Reseige kirýine tyiym salý qajet", – dedi Volodin óziniń Telegram kanalynda.
Buǵan deiin RF prezidenti janyndaǵy Adam quqyqtary jónindegi keńestiń (AQK) halyqaralyq yntymaqtastyq jónindegi komissiiasy Qyrǵyzstandaǵy orystardy qorǵaý jónindegi sharalardy kúsheitýge shaqyrǵan.
TMD elderimen áriptestik jónindegi agenttik tóraǵasy Evgenii Primakov politseilerdiń kassir qyzdyń qyrǵyzsha sóileýin talap etken azamatty bosata salǵanyna ań-tań.
"Mundailar ońbaǵandardy ornyna qoiýǵa mindettemiz. Buzaqyny bosata salǵan politseilerdiń áreketine qairanmyn. Sonda oryssha sóilegen qyzdy uryp-soǵý qyrǵyz qoǵamy úshin qalypty dúnie me?", – deidi Primakov.
https://www.youtube.com/watch?v=ZyzRAkDe2tQ
