Áleýmettik jelilerde Ispanıanyń ońtústiginde bolǵan iri poıyz apaty keńinen talqylanyp jatyr, dep habarlaıdy Dalanews.kz.
Qaıǵyly oqıǵa jeksenbi kúni Kordova provınsıasyndaǵy Adamýs qalasy mańynda tirkelgen.
Malagadan Madrıdke baǵyt alǵan joǵary jyldamdyqtaǵy poıyz relsten shyǵyp, qarsy baǵytta kele jatqan qurammen soqtyǵysqan. Keıingi resmı derekterge sáıkes apat saldarynan keminde 39 adam qaza tapqan. Kóptegen jolaýshy túrli deńgeıdegi jaraqatpen aýrýhanaǵa jetkizilgen.
Quzyrly organdar oqıǵanyń sebep-saldaryn anyqtaý úshin tergeý júrgizip jatyr. Apat ornyna shuǵyl qyzmetter jumyldyrylǵan, zardap shekkenderge medısınalyq kómek kórsetilip jatyr.
Eske salaıyq, buǵan deıin Ispanıada eki poıyz relsten shyǵyp, 21 adam qaza tapqany habarlandy.
