Munai ónerkásibine jumysqa ornalasý máselesi 2019-jyldan beri kóterilip keledi. Sondyqtan «ÓzenMunaiGaz» AQ jáne Jańaózen qalasy ákimdigi birlese qurǵan algoritmge sáikes «ÓZENINVEST» JShS, «Tazasý» JShS, «BN» JShS, «ÓzenMunaiGaz» AQ kompaniialary búginge deiin 4000-ǵa jýyq azamatty jumyspen qamtyp otyr. Al, sirek qoldanystaǵy mamandyq boiynsha 146 adam qyzmet etip júr.
Alaida, Jańaózen qalalyq jumyspen qamtý ortalyǵynyń basshysy Ulbazar Orynbaevanyń aitýynsha, algoritmge sáikes áli de 9996 adam jumysqa ornalasýǵa kezekte tur.
– Qazirgi tańda 9996 adam kezekte turǵanymen onyń ishinde 415 adam jeke kásipker, al 4333 adamnyń zeinetaqy qoryna aýdarymdary úzdiksiz túsip tur. 2603 jumyssyz azamat algoritmge sáikes kezekte tur. Jumysqa ornalasqysy kelgen adam aldymen «Ózeninvest» mekemesinde ýaqytsha qyzmet etip, aýtsorsing boiynsha «ÓzenMunaiGaz» AQ-na turaqty jumysqa ornalasa alady, – dedi Ulbazar Orynbaeva.
Jiynda mekeme basshylary óz oilaryn aityp, usynystaryn ortaǵa saldy. «ÓzenMunaiGaz» AQ basshysy Nurdáýlet Igilikulynyń aitýynsha, «ÓzenMunaigaz» kompaniiasy 10 000- ǵa jýyq adamdy jumyspen qamtyp otyr.
Budan artyq adamdy jumyspen qamtý kompaniianyń ekonomikalyq jaǵdaiyna keri áserin tigizedi. Sol sebepti «QazMunaiGaz» UK AQ Basqarma tóraǵasynyń orynbasary Dáýletjan Hasanov aldaǵy ýaqytta áleýmettik jaǵdaiy tómen, jumyssyz jandarǵa algoritm aiasynda «ÓzenMunaiGaz» AQ kompaniiasyna qarasty enshiles mekemelerge jumysqa ornalasýǵa usynys bildirdi.
– Qazirgi tańda jumyssyzdyq máselesi Mańǵystaý oblysynda ózekti bolyp otyr. Shielenisken jaǵdaidyń sheshimin tabý maqsatynda jiyn ótkizdik. Búgingi kúni qoǵamda kez kelgen azamat «ÓzenMunaiGazǵa» jumysqa ornalysqysy keledi. Qazir «ÓzenMunaiGazǵa» qyzmet kórsetetin «QazMunaiGazdyń» ainalasynda onnan astam iri kompaniialar bar.
Aita keteiik, osy máseleni tez arada sheshý maqsatynda qala ákiminiń arnaiy tapsyrmasymen depýtattar, qoǵamdyq keńes músheleri, kompaniia jáne kásipodaq ókilderinen turatyn jumys toby qurylyp, jan-jaqty zerdelep sheshim qabyldaidy.
