Qazaqtyń asyl dástúrin, mádenıetin damytýda bul ónerdiń mańyzy zor. Búrkitshi Jeńishan Baqbolatulynyń ákesi de ańshylyqpen aınalysyp, qaqpan quryp, tazy júgirtken.
– Sonaý baǵzy zamannan kele jatqan qusbegilik ónerdi, dáriptep júrgenimizge de birneshe jyl boldy. Keń darhan dalada qandaýyz qaqpan quryp, búrkit ushyryp, alǵan ańnyń terisin ıleımin. Bala kezimde ákem qasqyr, túlki sekildi ańdy aýlap, terisin ılep, úıretken. Qazaq halqynyń tektiligin, jigitteriniń seriligi men júrektiligin tanytatyn bul óner asa bilgirlik pen myqtylyqty talap etedi.
Jyrtqysh quspen til tabysyp, ony qolǵa úıretý úshin de tózimdilik pen qaısarlyq qajet. Jaratylysynan jabaıy, jyrtqysh bolyp jaralǵan qyranqusty shoshytyp, úrkitip almaı baılanysýdyń mańyzy zor, – deıdi Jeńishan Baqbolatuly.
Jeńishan Baqbolatuly aldaǵy ýaqytta qusbegilik ónerdi jastarǵa úıretýdi maqsat etip otyr.
