قازاقتىڭ اسىل دەستٷرٸن, مەدەنيەتٸن دامىتۋدا بۇل ٶنەردٸڭ ماڭىزى زور. بٷركٸتشٸ جەڭٸسحان باقبولاتۇلىنىڭ ەكەسٸ دە اڭشىلىقپەن اينالىسىپ, قاقپان قۇرىپ, تازى جٷگٸرتكەن.
– سوناۋ باعزى زاماننان كەلە جاتقان قۇسبەگٸلٸك ٶنەردٸ, دەرٸپتەپ جٷرگەنٸمٸزگە دە بٸرنەشە جىل بولدى. كەڭ دارحان دالادا قانداۋىز قاقپان قۇرىپ, بٷركٸت ۇشىرىپ, العان اڭنىڭ تەرٸسٸن يلەيمٸن. بالا كەزٸمدە ەكەم قاسقىر, تٷلكٸ سەكٸلدٸ اڭدى اۋلاپ, تەرٸسٸن يلەپ, ٷيرەتكەن. قازاق حالقىنىڭ تەكتٸلٸگٸن, جٸگٸتتەرٸنٸڭ سەرٸلٸگٸ مەن جٷرەكتٸلٸگٸن تانىتاتىن بۇل ٶنەر اسا بٸلگٸرلٸك پەن مىقتىلىقتى تالاپ ەتەدٸ.
جىرتقىش قۇسپەن تٸل تابىسىپ, ونى قولعا ٷيرەتۋ ٷشٸن دە تٶزٸمدٸلٸك پەن قايسارلىق قاجەت. جاراتىلىسىنان جابايى, جىرتقىش بولىپ جارالعان قىرانقۇستى شوشىتىپ, ٷركٸتٸپ الماي بايلانىسۋدىڭ ماڭىزى زور, – دەيدٸ جەڭٸسحان باقبولاتۇلى.
جەڭٸسحان باقبولاتۇلى الداعى ۋاقىتتا قۇسبەگٸلٸك ٶنەردٸ جاستارعا ٷيرەتۋدٸ ماقسات ەتٸپ وتىر.
