قازاقستاندا ەۋرازييالىق ەكونوميكالىق وداقتىڭ كەدەندٸك شەكاراسى ارقىلى ٶتكٸزٸلەتٸن قولما-قول اقشا مەن اقشا قۇرالدارىن ۋاقىتشا ۇستاپ قالۋ تەرتٸبٸ ٶزگەرەدٸ. جاڭا تالاپتار 2026 جىلعى 20 قاراشادان باستاپ كٷشٸنە ەنەدٸ, دەپ حابارلايدى dalanews.kz.
قارجى مينيسترٸنٸڭ 5 قاراشاداعى بۇيرىعىنا سەيكەس, مەملەكەتتٸك كٸرٸستەر ورگاندارى ەندٸ ۇلتتىق قاۋٸپسٸزدٸك ورگاندارىنان الىنعان اقپاراتتى دا ەسكەرەتٸن بولادى. بۇعان دەيٸن مۇنداي شەشٸم قۇقىق قورعاۋ ورگاندارى مەن قارجىلىق مونيتورينگ اگەنتتٸگٸ ۇسىنعان مەلٸمەتتەر نەگٸزٸندە قابىلداناتىن.
ەگەر شەكارا ارقىلى ٶتكٸزٸلەتٸن قاراجاتتىڭ قىلمىستىق جولمەن الىنعان كٸرٸستەردٸ زاڭداستىرۋعا, تەرروريزمدٸ نەمەسە جاپپاي قىرىپ-جويۋ قارۋىن تاراتۋدى قارجىلاندىرۋعا قاتىسى بولۋى مٷمكٸن دەگەن اقپارات تٷسسە, قولما-قول اقشا مەن اقشا قۇرالدارىنىڭ قوزعالىسى ۋاقىتشا توقتاتىلۋى مٷمكٸن.
بۇل رەتتە جاڭا نورما شەكارادان ٶتكٸزٸلگەن بارلىق اقشا اۆتوماتتى تٷردە تەركٸلەنەدٸ دەگەندٸ بٸلدٸرمەيدٸ. قاراجات تەك ۋەكٸلەتتٸ ورگانداردان ناقتى اقپارات تٷسكەن جاعدايدا جەنە زاڭدا بەلگٸلەنگەن تەرتٸپپەن ۇستالادى.
اقشا قۇرالدارىنا جول چەكتەرٸ, ۆەكسەلدەر, بانك چەكتەرٸ جەنە تٶلەم الۋشى كٶرسەتٸلمەگەن قۇجاتتىق باعالى قاعازدار جاتادى. ۇستاپ قالىنعان قاراجاتتى تيٸستٸ ورگانعا بەرۋ سۇراۋ سالۋ نەگٸزٸندە جٷرگٸزٸلەدٸ. رەسٸمگە اقشانىڭ ساقتالۋىنا جاۋاپتى قىزمەتكەر قاتىسىپ, قاراجاتتى بەرۋ تۋرالى اكت ەكٸ دانادا تولتىرىلادى.
