Jańaózende litsei oqýshylary sheteldik joǵary oqý oryndarynyń birine grantqa túsken 11-synyp oqýshysyn soqqyǵa shyqqan. Abyroi bolǵanda, tóbeles ústinen ákesi túsken, alaida top jasóspirim úlken kisini de ońdyrmaǵan, dep habarlaidy Dalanews.kz.
Lada.kz óńirlik basylymynyń málimetinshe, oqys oqiǵa 16 sáýirde keshkisin járbirlenýshiniń úiiniń janynda bolǵan.
"Uryp-soǵýǵa - qyzǵanysh sebep, óitkeni oqýshy jaqynda ǵana sheteldik ýniversitetke grantqa túsken. Sondai-aq, tóbeleske túrtki litseidiń prezidenti bolyp tabylatyn jábirlenýshiniń qurdasy bolyp shyqty", delingen basylymda.
Balanyń ákesi ulyn qorǵaýǵa tyrysamyn dep aiaǵynan jaraqat alǵan. Er adam balasymen birge Jańaózendegi aýrýhanaǵa jatqyzyldy. Oqýshyǵa jabyq bas miynyń jaraqaty, midyń shaiqalýy, shash asty aimaǵynyń gematomasy, eki bettiń kógerýi, syrylýy, sondai-aq sol jaq tize jaraqaty diagnozy qoiyldy. Al ákesiniń sol ókshesindegi súiek ýatylyp, janshylǵan.
"Shaǵym avtorlary oqý oryny basshylyǵy oqýshylarǵa zorlyq-zombylyq qurbanyna baryp, jaǵdaiyn suraýǵa jáne bolǵan oqiǵa týraly aqparat taratýǵa qatań tyiym salynǵanyn aitady. Al jábirlenýshige úlken aqshalai syiaqy usynylmaq", - dep atap ótken basylymnyń derek kózi.
Buǵan deiin Shymkentte jelide pikir bildirip, laiyq baspaǵan qyzmetkerlerge qyrǵidai tigen basshy jazalanǵanyn jazǵanbyz.
